ပညတ်ရဲ့သဘာဝ
ဒါဖြင့် ဒီပညတ်ကလည်း အလွန်အရေးကြီးတယ်၊ လောက သတ်မှတ်ထားတဲအတိုင်း အားလုံးလေးစားကြရမယ်၊ လိုက်နာကြရမယ်၊ အများသတ်မှတ်ထားတဲ့အတိုင်း ခေါ်ထားတဲ့ အတိုင်း အားလုံးလေးစားကြရတယ်၊ ဒါ ပညတ်ရဲ့ သဘာဝ၊
အ၀တ်အစားတွေပဲကြည့်၊ ဒါက ပုဆိုးလို့ သတ်မှတ်ထားလို့ ရှိရင် အမျိုးသမီးတွေ ၀တ်ရဲ့လား၊ သင်္ကန်းလို့ သတ်မှတ်ထားတဲ့ အ၀တ်ကို လူတွေ ၀တ်ရဲ့လား၊ မ၀တ်ဘူး၊ တကယ်တော့ အ၀တ်ဟာ အ၀တ်ပဲ၊ သို့သော်လည်း သမ္မုတိသစ္စာအားဖြင့် အများက ဒီလို သတ်မှတ်ထားသည့် အတွက်ကြောင့် မှန်နေတယ်။
ဒီ သမ္မုတိစ္စာရဲ့ သဘောကို နားမလည်သည့်အတွက် တချို့ နိုင်ငံခြားသားတွေက မေးကြတာ ရှိတယ်၊ “ဟေ့ ရွှေတိဂုံ ဘုရားကြီးက အုတ်ပုံကြီးပဲ၊ မြန်မာပြည်ကလူတွေ အုတ်ပုံကြီး ရှိခိုးနေကြတာလား” လို့ မေးတယ်၊ ဒါ သမ္မုတိသစ္စာ နားမလည်လို့ ပြောတာနော်၊ ရွှေတိဂုံဘုရားဟာ အုတ်ပုံမှ မဟုတ်တော့ပဲ၊ ဘုရားဖြစ်နေပြီလေ၊ အားလုံးက အုတ်လို့ ဘယ်သူပြောသေးလဲ၊ သမ္မုတိသစ္စာဆိုတာ အားလုံးက အတည်ပြုပြီး သတ်မှတ်လိုက်တာနဲ့ တစ်ပြိုင်နက် သူက အတည်ဖြစ်သွားတာ၊
သူတို့လည်း ရှိတာပဲလေ၊ ရုပ်ပုံကြီးတွေ ကိုးကွယ်တာ၊ သို့သော် အုတ်ရှိခိုးတယ်လို့ သူတို့က အပေါ်ယံ ပြောချင်တာ၊ ဒါ အုတ်လား ဆိုတော့ ဘယ်အုတ် ဟုတ်မလဲ၊ ဟို အုတ်ပုံနဲ့ ရွှေတိဂုံဘုရားက ဘယ်တူတော့မလဲ၊ ဘုရားလို့ သတ်မှတ်လိုက် ကတည်းက ဘယ်တူတော့မလဲ။
ဥပမာ- မန္တလေးကျောက်ဆစ်တန်း သွားကြည့်၊ ကျောက်တုံးကြီးတွေ ထုကြတယ်၊
ဆင်ရုပ်ထုတာလည်း ရှိတယ်၊ ခြင်္သေ့ရုပ်ထုတာလည်း ရှိတယ်၊ ဘုရားရုပ်တုတော် ထုတာလည်း ရှိတယ်၊ ဘုရားရုပ်တုတော် ထုလိုက်တာနဲ့ တပြိုင်နက် ရိုသေလေးစားဖို့ တာဝန်ရှိသွားပြီ၊ ‘ဘုရား’ လို့ ‘ဘုရားဆင်းတု’ လို့ ခေါ်ကြတယ်၊
ဆင်ရုပ်ထုတာလည်း ရှိတယ်၊ ခြင်္သေ့ရုပ်ထုတာလည်း ရှိတယ်၊ ဘုရားရုပ်တုတော် ထုတာလည်း ရှိတယ်၊ ဘုရားရုပ်တုတော် ထုလိုက်တာနဲ့ တပြိုင်နက် ရိုသေလေးစားဖို့ တာဝန်ရှိသွားပြီ၊ ‘ဘုရား’ လို့ ‘ဘုရားဆင်းတု’ လို့ ခေါ်ကြတယ်၊
ဘယ်သူကမှ ခြင်္သေ့ရုပ်တို့၊ ဆင်ရုပ်တို့ မခေါ်ဘူး၊ ရုပ်ပုံလေးပေါ်လာတာနဲ့၊ တပြိုင်နက် ဒါ ဘုရားပဲ၊ မရိုမသေ မလေးစားလုပ်ရင် အပြစ်ရှိတယ်၊ ဘုရားထုတဲ့ လူတွေကတော့ ထင်ကြတယ်၊ အနေကဇာ မတင်သေးရင် ဘုရား မဖြစ်သေးဘူးလို့၊ မဆိုင်ဘူး၊ ဘုရားလို့ သတ်မှတ်လိုက်တာနဲ့ တပြိုင်နက် အများက အသိအမှတ်ပြုထားသည့်အတွက်ကြောင့် ဒါ ဘုရားပဲ။
သမ္မုတိသစ္စာကိုလေးစားကြ
တစ်ခုခု သတ်မှတ်ပြီးတော့ ပစ္စည်းတစ်ခုခု ထုတ်လိုက်တယ်၊ တစ်ခုခုသတ်မှတ်ပြီး ပစ္စည်းကို ထုတ်လိုက်တယ် ဆိုပါစို့၊ ကြွေထည်ပစ္စည်းတွေ လုပ်တဲ့နေရာမှာ ထမင်းထည့်ဖို့ ချိုင့်ရယ်၊ နောက်ဖေးသုံးဖို့ အုံးရယ် နှစ်ခုစလုံး အသစ်တွေချည်းပဲ၊ တစ်ခုကိုတော့ နောက်ဖေး အိုးလုိ့ ခေါ်လိုက်တယ်၊ တစ်ခုက ထမင်းချိုင့်လို့ ခေါ်တယ်၊ အဲဒီနှစ်ခု အပြောင်းအလဲ လုပ်လို့ မရဘူးလား၊ မရဘူး။
အမည်ပညတ် တင်လိုက်တာနဲ့ တပြိုင်နက် နောက်ဖေးအိုး အဖြစ် အသုံးပြုမယ့်ဟာကို အစာအဟာရထည့်လို့ မဖြစ်တော့ဘူး၊ ဘယ်သူမှလည်း မထည့်ဘူး၊ ပင်ကိုယ်စိတ်ရှိတဲ့ ပုဂ္ဂိုလ် ဘယ်သူမှ မသုံးဘူး၊ မသိတဲ့ ပုဂ္ဂိုလ်ကျတော့ သုံးကောင်း သုံးမိလိမ့်မယ်၊ သူဟာနဲ့သူ သတ်မှတ်ထားလိုက်တာ။
ဖြစ်တဲ့အချိန် ကနေစပြီးတော့ ဒီအရာဝတ္ထုဟာ အတည် ဖြစ်သွားတာပဲ၊ ထို့အတူပဲ အုတ်တွေကို ဆင့်ဆင့်ပြီးတော့ စေတီ တည်လိုက်တာနဲ့ စေတီလို့ အားလုံးက အသိအမှတ် ပြုပြီးပြီလေ၊ ပြုပြီးသွားတာနဲ့ မရိုမသေလုပ်ရင် အပြစ် ဖြစ်တော့တာပဲ။
ဒါကြောင့် သမ္မုတိသစ္စာဆိုတာ အင်မတန်မှ ကြီးမားတယ်နော်၊ လောကလူတွေဟာ သမ္မုတိသစ္စာနဲ့ပဲ အားလုံး နေ,နေကြရတယ်၊ သမ္မုတိသစ္စာကို ရိုသေလေးစားပြီး သမ္မုတိသစ္စာအတိုင်း သတ်မှတ်ပြီးတော့ နေကြရတယ်၊ သမ္မုတိသစ္စာကို ဖောက်ဖျက်မယ် ဆိုလို့ ရှိရင် ဒီပုဂ္ဂိုလ်ဟာ စိတ်မမှန်တဲ့ ပုဂ္ဂိုလ်ဖြစ်သွားလိမ့်မယ်၊ မြတ်စွာဘုရားကိုယ်တိုင် သမ္မုတိသစ္စာကို အခြေခံထားပြီးတော့ ဟောတဲ့ သုတ္တန်တရားတွေ ရှိတယ်၊
မင်္ဂလသုတ္တန်မှာ ကြည့်၊ “အသေ၀နာ စ ဗာလနံ၊ ပဏ္ဍိတာနဉ္စ သေ၀နာ” လူမိုက်တွေ မပေါင်းနဲ့တဲ့၊ ပညာရှိတဲ့ ပုဂ္ဂိုလ်တွေ ပေါင်းလို့ ဆိုတော့ လူမိုက်ရယ်၊ ပညာရှိရယ်လို့ ဒါ သမ္မုတိသစ္စာပိုင်းက ခွဲပြောလိုက်တာလေ၊ အဲဒီလိုမှ မခွဲလို့ရှိရင် လူမိုက်မှာလည်း ရုပ်နဲ့နာမ်ပဲ ရှိတာပဲ၊ ပညာရှိမှာလည်း ရုပ်နဲ့နာမ်ပဲ ရှိတာပဲလို့၊ ဒီလို သွားပြောလို့ ရမလား၊ မရဘူး၊ လူမိုက်နဲ့ ပညာရှိ မတူတဲ့အချက်တွေ အများကြီး ရှိတယ်၊ သို့သော် လူ အတူတူပဲလို့ ဆိုပြီးတော့ လုပ်လို့ မရဘူးနော်။
***ဒေါက်တာ အရှင်နန္ဒမာလာဘိဝံသ၏ အဘိဓမ္မာ မြတ်ဒေသနာ (ပထမတွဲ) -မှ***
*ဆက်ရန်* -------
{သူ့နေရာနဲ့သူ မှန်တယ်၊ ပညတ်ရဲ့ သဘောလက္ခဏာ} အား ဆက်လက်ရေးသား ပူဇော်ပါမည်။
No comments:
Post a Comment