ဘ၀င်စိတ်
ဘ၀င်စိတ်ဆိုတာ ပစ္စုပ္ပါန် အကြောင်းတရားနဲ့ ဘာမှမဆိုင်ဘူး၊ သူ့ဘာသာသူ အတိတ်က ကံတရားရဲ့ စွမ်းအားနဲ့ သူက ပေါ်နေတာ၊ ဒါကြောင့်မို့ ဘ၀င်စိတ်သည် မျက်စိက မြင်တဲ့အာရုံကို အာရုံမပြုဘူး၊ နားကကြားတဲ့ အသံကို အာရုံမပြုဘူး၊ မသိဘူး၊ အာရုံမပြုဘူးလို့ပဲ ပြောရမယ်နော်၊ စိတ်ဆိုတာ သိတာ၊ ဘ၀င်စိတ်ကလေးသည် မျက်စိကမြင်တဲ့ အဆင်းကို မသိဘူး၊ နားကကြားတဲ့ အသံကို မသိဘူး၊ နှာခေါင်းက နံတဲ့အနံ့ကို မသိဘူး၊လျှာကလျက်ကတဲ့ အရာသာကို မသိဘူး၊ ခန္ဓာကိုယ်က ထိရင်လည်း သူက မသိဘူး၊ အတွေး စိတ်တွေထဲမှာလည်း သူ့အတွေး အာရုံတွေ အကြောင်းလည်း သူ မသိဘူး၊ အိပ်နေရင် ဘ၀င်စိတ်က ရှိနေတာပဲ၊ ဘ၀င်စိတ်က ဖြစ်နေတာပဲ၊ သူက ဘာနဲ့ ဖြစ်နေတာလဲဆိုရင် ကံရဲ့စွမ်းအင်နဲ့ ဖြစ်နေတာ၊ ကံရဲ့ စွမ်းအားက တွန်းပြီး လွှတ်လိုက်တာ။
ဥပမာ ဒုန်းပျံတစ်ခုကို အရှိန်နဲ့ ပစ်လွှတ်လိုက်တဲ့အခါကျတော့ ဒီအရှိန် မကုန်မချင်း၊ ဒုန်းပျံကြီးက သွားနေတာပဲ မဟုတ်လား၊ နောက်ထပ် ထပ်ပစ်ဖို့ လိုသေးလား၊ မလိုဘူး၊ အရှိန်ကုန်သွားတဲ့အချိန်မှာ ကျသွားမယ်၊ ပစ်လွှတ်လိုက်တဲ့ စွမ်းအား energy နဲ့ သွားနေတယ်၊ အရှိန်ကုန်တဲ့ အချိန်ကျမှ ကျသွားမယ်။
ထို့အတူ ဘ၀င်စိတ်ကလေးဟာ ပဋိသန္ဓေစိတ်ကလေး ကစပြီးတော့ စွမ်းအားနဲ့ တွန်းလွှတ်လိုက်တဲ့ ကံရဲ့အရှိန်နဲ့သွားနေတာ၊ ကံရဲ့ အရှိန်ကုန်တော့ နောက်ဆုံးမှာ စုတိဆိုပြီး သေသွားရင် တစ်ဘ၀ပြီးသွားတာပါ၊ အဲဒီတော့ မွေးတဲ့စိတ်ရယ်၊ သေတဲ့စိတ်ရယ်၊ ကြားထဲက အိပ်နေတဲ့ ဘ၀င်စိတ်ရယ် အတူတူပဲ၊ ကံရဲ့စွမ်းအားနဲ့ သွားနေတာ။
စိတ်ဖြစ်ပုံ
ကဲ စ်ိတ်ဖြစ်ပုံကို ပြောရအောင်၊ အခုပြောခဲ့တဲ့ ၀တ္ထုရုပ် (၆)ပါးကို မှတ်ထားရမယ်၊ အာရုံ(၆)ပါးဆိုတာကို မှတ်ထားရမယ်၊ တံခါး(၆)ပေါက်ဆိုတာ မှတ်ထားရမယ်၊ အဲဒီ တံခါး(၆)ပါးနဲ့ အခြေခံ ဒီဝတ္ထုရုပ်(၆)မျိုးဆိုတာ တူတယ်၊ ရှေ့(၅)ခုက လုံးဝတူတယ်၊ နောက်ဆုံးတစ်ခုက ခုနက ‘ဟဒယ’ ဆိုတာနဲ့ Mind door မနောဒွါရဆိုတာကျတော့ ကွဲပြားခြားနားမှု ရှိတယ်၊ ထိုမနောဒွါရဆိုတာက နာမ်တရား၊ ဟဒယ၀တ္ထု ဆိုတာက ရုပ်တရား၊ အဲဒီနေရာလေးမှာ နာမ်တရားပါလာတယ်၊ အဲဒါလည်း သိပ်ပြီးတော့ သတိချပ်စရာကောင်းတဲ့ အချက်တစ်ခုပဲ၊ နာမ်တရားပေါ်ဖုိ့ရာအတွက် နာမ်နာမ်ချင်း အခြေပြုတယ်ဆိုတဲ့ သဘောပေါ်လွင်နေတယ်၊ ဟုတ်ရဲ့လား။
မြင်သိစိတ်ဖြစ်ပုံ
သုတ္တန်ပါဠိတော်တွေမှာ မြတ်စွာဘုရားက မြင်သိစိတ်ကလေး ပေါ်လာပုံကို ဟောတယ်။
“စက္ခုံ စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏံ”ဘိက္ခဝေ- ချစ်သားရဟန်းတို့၊ စက္ခုံစ - မျက်စိကိုလည်းကောင်း၊ ရူပေစ- အဆင်းအာရုံကိုလည်းကောင်း၊ ပဋိစ္စ-စွဲမှီ၍၊ စက္ခုဝိညာဏံ- စက္ခုဝိညာဏ်လို့ဆိုတဲ့ မြင်သိစိတ်ကလေးသည်၊ ဥပ္ပဇ္ဇတိ - ဖြစ်ပေါ်၍ လာရပါပေတော့၏- လို့ သုတ္တန်ပါဠိတော်မှာ ဟောတာ၊ ဒါ လက်တွေ့နဲ့ စဉ်းစားကြည်ပေါ့လေ၊ မြင်သိစိတ်ကလေးဟာ မျက်စိမရှိဘဲနဲ့ ပေါ်နိုင်ပါ့မလား၊ မပေါ်နိုင်ဘူး၊ မျက်စိနဲ့ ရူပါရုံ(၂)ခု ဆုံမိတဲ့အခါမျာ မြင်သိစိတ်ကလေး ပေါ်လာတယ်၊ မြင်လို့ ငါ ဘယ်သူ့မြင်လိုက်တယ်၊ သစ်ပင်မြင်တယ်၊ မီးရောင်မြင်တယ် စသည်ဖြင့် မြင်မှုတွေကို အမျိုးမျိုး နာမည်တပ်ပြီး ပြောကြတာ။
ဒါကြောင့်မို့ စက္ခုပသာဒဆိုတဲ့ စက္ခုဝတ္ထုဆိုတာရယ်၊ ရုပ်ဝတ္ထုဆိုတာရယ် ဒီ(၂)ခု ဆုံလိုက်တဲ့ အချိန်ကလေးမှာ မြင်သိစိတ်ကလေး ပေါ်တဲ့သဘော၊ ခုနက စည်လေးကို လက်နဲ့ တီးလိုက်တဲ့အခါမှာ အသံလေးပေါ်လာတဲ့သဘော၊ စောင်းကလေးကို လက်ညှိုးကလေးတင်ပြီး လက်ချောင်းကလေးတွေနဲ့ တီးခတ်လိုက်တဲ့အခါမှာ တိုက်ခိုက်လိုက်တဲ့ စွမ်းအားကြောင့် ဟောဒီအသိစိတ်ကလေး ဖြစ်ပြီးပေါ်လာတာ၊ နမ်တရားတွေ ပေါ်လာတာ ဒီအတိုင်းပဲ။
အကြောင်းဆုံလို့ဖြစ်
ဒီနေရာမှာ စဉ်းစားကြည့်ပေါ့၊ ဒီမြင်သိစိတ်ကလေးဟာ မျက်လုံးထဲက ထွက်လာတာလား၊ မဟုတ်ဘူး၊ စောင်းသံဟာ စောင်းထဲက ထွက်လာတာလား၊ ပြောလို့ မရဘူး၊ စောင်းထဲမှာ ရှိမှ ထွက်လို့ရမှာ၊ စောင်းထဲမှာ ရှိနှင့်မနေဘဲ ပေါ်လာတာဟာ အကြောင်းကြောင့်ပဲလို့ ပြောလို့ရမယ်၊ အဲဒီတော့ မြင်သိစိတ်ကလေးဟာ မျက်လုံးထဲက ထွက်လာတာလည်း မဟုတ်ဘူး၊ မျက်စိနဲ့ မြင်ရတဲ့ အဆင်းအာရုံထဲကနေ ပေါ်လာတာလည်း မဟုတ်ဘူး။
ဒါဖြင့် ဘာကြောင့် ပေါ်လာတာလဲ၊ “ဟေတုံ ပဋိစ္စ သမ္ဘူတာ” အကြောင်းတရားကြောင့် ပေါ်လာတာ၊ အကြောင်းတရားက ဘာဆုံးဆိုရင် စက္ခုပသာဒရုပ် ဆိုတဲ့ ၀တ္ထုရုပ် ကလေးရယ်၊ ရူပါရုံဆိုတဲ့ အာရုံကလေးရယ် အဲဒီ(၂)ခုဆုံဆည်း သွားတဲ့ အချိန်မှာ တိုက်ခိုက်မှုရဲ့စွမ်းအားတွေ ပေါ်လာတာ၊ ရုပ်(၂)ခု ဆုံလိုက်တာဟာ တိုက်ခိုက်လိုက်တာပဲ၊ လျှပ်စစ်မီးကြိုးနှစ်ခု ခတ်လိုက်သလိုပဲ၊ ဒီလို တိုက်ိုက်လိုက်တဲ့ အခါမှာ အလင်းရောင် လက်ခနဲ ပေါ်လာသလို ဒီအသိစိတ် ကလေးလည်း ပေါ်လာတယ်လို့ မြတ်စွာဘုရားက ဒီလိုဟောတာ။
အဲဒီအထဲမှာကိုပဲ အဓိကဖြစ်တဲ့ စက္ခုပသာဒရုပ်နဲ့ ရူပါရုံ ဒီနှစ်ခုကိုပဲ မြတ်စွာဘုရားက ဟောထားတယ်၊ အခြား အကူအညီ အကြောင်းတားတွေကလည်း လိုအပ်သေးတယ်၊ ဘာတုံးဆိုရင် အလင်းရောင်ကလေး လိုသေးတယ်၊ ဟော - အလင်းရောင်မရှိလို့ မှောင်နေရင်လည်း မြင်နိုင်ဘူး၊ ဒါကြောင့်မို့ မျက်စိလည်း ရှိတယ်၊ အဆင်းရုံလည်း ရှိတယ်၊ မြင်ဖို့ရာအတွက် ဒီနှစ်ခုကြားမှာ အလင်းလိုတယ်လို့ ပြောတယ်။
နောက်တစ်ခုကတော့ နှလုံးသွင်းဆိုတာ လိုသေတယ်၊ အသိစိတ် နှလုံးသွင်း ဆင်ခြင်မှုလည်း လိုသေးတယ်၊ ပေါင်းလိုက်တဲ့အခါမှာ အကြောင်း(၄)မျိုး မဖြစ်ဘူးလား၊ အဲဒီ အကြောင်း(၄)မျိုးကြောင့်လည်း မြင်သိစိတ်ဆိုတဲ့ ဒီနာမ်တရားလေးတွေ ပေါ်လာတာပါတဲ့၊ နဂိုက ဒီထဲမှာ ရှိနေတာ မဟုတ်ပါဘူး၊ ဘယ်နေရာမှ ရှိနေတာ မဟုတ်ပါဘူး၊ ပေါ်လာပြီးတဲ့ နောက်မှာလည်း သူ့ရဲ့ အချိန်ပိုင်း အတိုင်းအတာလေး အတွင်းမှာ ပျက်စီးသွားတယ်၊ အဲဒါကို မြတ်စွာဘုရားက ‘အနိစ္စ’ လို့ ဟောတယ်။
အနိစ္စအဓိပ္ပါယ်
“အဟုတွာ သမ္ဘောန္တိ ၊ ဟုတွာ ပဋိဝေန္တိ”
အနိစ္စရဲ့ အဓိပ္ပါယ်ကို အနုပဒသုတ္တန်မှာ ဒီလို ရှင်းတယ်၊ အဟုတွာ - ဘယ်နေရာမှ ရှိနေတာမဟုတ်ဘဲနဲ့၊ သမ္ဘောန္တိ - အကြောင်းဆုံတဲ့အခါမှာ ပေါ်လာကြတယ်၊ ဟုတွာ - အကြောင်း ဆုံလို့ ဖြစ်ပေါ်ပြီးတဲ့နောက်မှာ၊ ပဋိဝေန္တိ - ပျောက်ကွယ်ပြီးတော့ သွားကြတယ်၊ အဲဒါကို အနိစ္စလို့ ဆိုတယ်။အဲဒီမှာ နာမ်တရားတွေဟာ ဒီပုံဒီနည်း ဖြစ်လာတာ၊
“ဟေတုံ ပဋိစ္စ သမ္ဘူတာ၊ ဟေတုဘင်္ဂါ နိရုဇ္ဈရေ”
အကြောင်းတရားတွေ ပျက်စီးသွားရင် သူတို့လည်း ပျက်စီးသွားတယ်၊ အလုံးဟာ အကြောင်းတရားပေါ်မှာ မှီတည်ပြီး ပျက်သွားတယ်၊ မှီတည်ပြီး ဖြစ်လာရတယ်၊ အကြောင်းတရားတွေ ပျက်ရင်လည်း သူတို့လည်း ပျောက်သွားတယ်။အသိစိတ်ကလေးဟာ မျက်လုံးထဲက ထွက်လာတာလည်း မဟုတ်ဘူး၊ မြင်စရာ ရူပါရုံက ထွက်လာတာလည်း မဟုတ်ဘူး၊ သူတို့ နှစ်ခုကြားကလည်း ထွက်လာတာ မဟုတ်ဘူးတဲ့၊ အကြောင်းတရားတွေကြောင့် ဖြစ်တာ၊ ဥပမာ- စည်သံလေးလိုပါပဲတဲ့၊ စည်ထဲက ထွက်လာတာလည်း မဟုတ်ဘူး၊ လက်က ထွက်လာတည်လည်း မဟုတ်ဘူး၊ တီးခတ်တဲ့ တုတ်တံက ထွက်လာတာလည်း မဟုတ်ဘူး၊ ဒီ နှစ်ခုကြားမှာ သူအောင်းနေတာလည်း မဟုတ်ဘူးတဲ့၊ တီးခတ်ခြင်းကို အကြောင်းပြုပြီး အစွဲပြုပြီး အသံလေး ပေါ်လာတာ၊ ဖြစ်ပြီးတဲ့နောက် ပျောက်သွားတယ်၊ ဒါ နာမ်တရားရဲ့ သဘောပဲ၊ နာမ်ဆိုတာ အဲဒီအတိုင်းပဲ။
*ဆက်ရန်* {ကြားသိစိတ်ဖြစ်ပုံ၊ နံသိ လျက်သိ ထိသိစိတ်ဖြစ်ပုံ၊ အတွေးစိတ်ဖြစ်ပုံ၊ စိတ်၆- မျိုး} အား ဆက်လက်ရေးသား ပူဇော်ပါမည်။
*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၇၂-၁၇၇) မှ ကောက်နှုတ်ရေးသား ပူဇော်ပါသည်။
No comments:
Post a Comment