ဓမ္မစကြာတရားတော်
အမှာစကား
ဤတရားတော်ကို နဂို ဟောတော်မူရင်း အစဉ်အတိုင်း နားလည်လောက်အောင် ရေးနေရလျှင် ထိုတရားတော်ဖြင့် ဓမ္မအခန်း တစ်ခန်းလုံး ဖုံးသွားဖွယ်ရှိ၏၊ ဤကျမ်းကား တရားတော်၏ လေးနက်ပုံကိုလည်းကောင်း, ထိုတရားတော်ကို ဟောပြတော်မူသော ဗုဒ္ဓ၏ ဉာဏ်တော်ကိုလည်းကောင်း, (မယုံကြည်တတ်သေးသူတို့) မှန်းဆကြစေလိုသည့်အပြင် ထိုတရားတော်အရ တည်ဆောက်ထားသော သာသနာ့အဆောက်အအုံကြီးကို ခိုင်ဖြီး ခမ်းနားအောင် ပြုပြင်လိုသောကြောင့် စီစဉ်အပ်သော ကျမ်းစာဖြစ်ရကား တရားတော် အစဉ်ကျအောင် လုံးစေ့ပတ်စေ့ ရေးခွင့်မရတော့ပါ၊ ထို့ကြောင့် ထိုထိုသုတ္တန်တော်ကြီးများမှ လိုရင်း အချက်များကိုသာ ထုတ်ဖော်ညွှန်ပြရပါလိမ့်မည်။
အချုပ်တရားများ
ဤဓမ္မစက္ကပ္ပ၀တ္တန(ဓမ္မစကြာ)သုတ်၌ အချုပ်တရားများကား ပဋိပဒါ (အကျင့်) သုံးပါး, သစ္စာလေးပါး, ဉာဏ်(၁၂)ပါးနှင့် ဗုဒ္ဓအဖြစ်ကို ၀န်ခံတော်မူခန်းများ တည်း၊ [နတ်တို့၏ ကြေးကြော်သံမှာ ဓမ္မစကြာတရားရင်း၏ နောက် ဆက်သာတည်း၊]
ထိုတွင်… အကျင့်သုံးပါးဟူသည်… ကာမသုခလိ’ကာနုယောဂ, အတ္တ ကိလမထာနုယောဂ, မဇ္ဈိမပဋိပဒါတည်း။
သစ္စာလေးပါးဟူသည်…ဒုက္ခသစ္စာ, သမုဒယသစ္စာ, နိရောဓ သစ္စာ, မဂ္ဂသစ္စာတည်း။
ဉာဏ်တော်(၁၂)ပါးဟူသည်… ဤတရားစုသည် ဒုက္ခသစ္စာ တည်းဟု ဒုက္ခသစ္စာကို သိသော သစ္စဉာဏ်,
ဤဒုက္ခသစ္စာသည် (ပယ်ရှားစွန့်ပစ်စရာ မဟုတ်) ကွဲကွဲပြားပြား နားလည်စရာ ဖြစ်သည်ဟု ဒုက္ခသစ္စာအပေါ်၌ ဖြစ်ထိုက်သော ကိစ္စကို သိသော ကိစ္စဉာဏ်,
ဤဒုက္ခသစ္စာကို ငါဘုရားသည် ကွဲကွဲပြားပြား ခွဲခြား၍ သိပြီး ပေပြီဟု ပြုပြီးကိစ္စကို သိသော ကတဉာဏ်,
ဤသို့ ဒုက္ခသစ္စာ၌ သစ္စဉာဏ်, ကိစ္စဉာဏ်, ကတဉာဏ်ဟု ဉာဏ်သုံးပါး ဖြစ်သကဲ့သို့ နောက် သစ္စာများ၌လည်း သုံးပါးစီ ပြားရကား ဉာဏ်ပေါင်း (၁၂)ပါး ပြားသည်။
ဤသို့ သစ္စာလေးပါးတို့၌ ဉာဏ် (၁၂)ပါး မဖြစ်မီက ““သမ္မာ သမ္ဗုဒ္ဓ=ဘုရား”” ဖြစ်ပြီဟု ၀န်မခံသေးဘဲ ဉာဏ် (၁၂)ပါးဖြင့် သစ္စာ လေးပါးကို သိတော်မူမှ ၀န်ခံတော်မူသည်။
ဤစကားလုံးကား ဓမ္မစကြာ၌ ဟောတော်မူလိုရင်း အချုပ်တရားတည်း၊ ထိုတွင် ဉာဏ် (၁၂)ပါးမှာ အများနှင့် အရေးတကြီး မဆိုင်လှသဖြင့် ဖော်ပြတော့မည် မဟုတ်၊ ထို့ပြင် ပါဠိတော်ရင်းကို လည်း ပါဠိကို နားမလည်သူတို့အား ထူးခြားခြင်း မရှိသဖြင့် မဖော်ပြ တော့ဘဲ အကျဉ်းချုပ် ဘာသာပြန်ကိုသာ ပြထားပါသည်၊ အောက်ပါ စကားတို့ကား ထိုပါဠိတော်ကို မြန်မာလို ပြန်ဆိုထားချက်တည်း။
အကျင့်သုံးပါးတရားတော်
ဘိက္ခုတို့…ရသေ့ ရဟန်းဟူသမျှသည် ကာမစည်းစိမ်ကို ခံစားသော အကျင့်နှင့် ခန္ဓာကိုယ် ပင်ပန်းသော အကျင့် နှစ်မျိုးကို မကြိုးစားထိုက်၊ ကာမစည်းစိမ်ကို ခံစားသော အကျင့်သည် ယုတ်မာ ညစ်ညမ်း အောက်တန်းကျ၏၊ မြို့ရွာနေသူ လူဝတ်ကြောင်များ၏ အကျင့် ဖြစ်၏၊ ကာမစည်းစိမ်ကို ခံစားသော အကျင့်သည် ယုတ်မာ ညစ်ညမ်း (ရသေ့ ရဟန်းများ၏ အကျင့် မဟုတ်) ပုထုဇဉ် လူ့ဗာလ တို့၏ အကျင့်လည်း ဖြစ်၏၊ မြင့်မြတ်ဖြူစင် အရိယာနွယ်ဝင်တို့၏ အကျင့်မဟုတ်၊ ထိုကာမစည်းစိမ်ခံစားသော အကျင့်သည် အကျိုး စီးပွားများအောင် မဆောင်နိုင်သည့်ပြင် အကျိုးမဲ့ကိုသာ ဆောင်နိုင်လေသည်၊ ခန္ဓာကိုယ် အပင်ပန်းခံ၍ ကျင့်သော အကျင့်မျိုးလည်း ဒုက္ခရောက်လှ၏၊ အရိယာသူတော်စင်တို့၏ အကျင့်မဟုတ်၊ အကျိုး မဲ့ကိုသာ ဆောင်နိုင်သည်။
မဇ္ဈိမပဋိပဒါ
ဤနှစ်မျိုးသော ကျင့်စဉ်လမ်းမှားကို မလိုက်ဘဲ ကာမချမ်းသာကို ခံစားသောလမ်း, ဒုက္ခခံသော လမ်းနှစ်သွယ်၏ အလယ်ဖြစ်သော ကျင့်စဉ်လမ်းတစ်မျိုးကို ငါဘုရား ထိုးထိုးထွင်းထွင်း ရှင်းလင်းစွာ သိထားပြီ၊ ““မဇ္ဈိမပဋိပဒါ””ဟုခေါ် သော ထိုအလယ်လမ်းကား ဉာဏ်စက္ခုအလင်းရအောင် ပြုနိုင်၏၊ အသိဉာဏ် တိုးပွားအောင် ပြုနိုင်၏၊ ကာမဂုဏ် ခံစားလိုသော ကိလေသာမှ စ၍ ဒေါသ မောဟ မာန်မာန စသော ကိလေသာ အပူတွေကို အေးငြိမ်းစေနိုင်၏၊ သစ္စာလေးပါးကို (မျက်မှောက်ပြု သောအားဖြင့်) ဖိဖိစီးစီး သိအောင် ပြုနိုင်၏၊ ထို သစ္စာလေးပါးကို (ပိုင်းခြားဆုံးဖြတ်သောအားဖြင့်လည်း) သိအောင် ပြုနိုင်၏၊ နိဗ္ဗာန်ဟု ခေါ်ရသော အအေးဓာတ် အငြိမ်းဓာတ်ကိုလည်း ရအောင် ပြုနိုင် ပေသည်။
မဂ္ဂင်ရှစ်ပါး
ထို မဇ္ဈိမပဋိပဒါခေါ် အလယ်လမ်းကျင့်စဉ် ဟူသည်မှာ… အယူအမြင် မှန်ခြင်း, အပြစ်မရှိသော အကြံကို ကြံခြင်း, မမှန်သော စကားကို ရှောင်၍ မှန်သော စကားကိုသာ ပြောခြင်း, မမှန်သော အလုပ်ကို ရှောင်၍ မှန်သောအလုပ် ကို ပြုလုပ်ခြင်း, တရားသဖြင့် ရအပ်သော ပစ္စည်းဥစ္စာဖြင့်သာ ကောင်းမွန်စွာ အသက်မွေးခြင်း, လမ်းမှန်ကိုသာ ကြိုးစားခြင်း, မှန်ကန်သော သတိ အမြဲရှိခြင်း, မှန်ကန်သောအရာ၌ သမာဓိရှိခြင်း ဤ ရှစ်ပါးပင် ဖြစ်သည်၊ ဤ ရှစ်ပါးသော ကျင့်စဉ်များကို မိမိစိတ် အစဉ်မှာ အမြဲဖြစ်အောင် ကြိုးစားလျှင် ဉာဏ်စက္ခုအလင်း ရ၍ အသိဉာဏ်လည်း တိုးပွားကာ ကိလေသာ အပူမီးကို ငြိမ်းစေနိုင်၏၊ သစ္စာလေးပါးကို ဖိဖိစီးစီး မှန်မှန်ကန်ကန် သိမြင်နိုင်, နိဗ္ဗာန်ကိုလည်း ကိုယ်တိုင် မြင်နိုင်ပါသည်၊ ဤကား ပါဠိတော်ကို မြန်မာပြန်ချက်တည်း။
Credit to
No comments:
Post a Comment