ပြန်ကြွပုံနှင့် ကျောင်းတော်၌နေပုံ
နေရာမှ ထ၍ ပြန်ကြွသည့်အခါ မနှေး မမြန် ကြွတော်မူ၏၊ အရှင်ဂေါတမ၏ ကိုယ်၌ သင်္ကန်းသည် ဘေးမှ အထက် သို့လည်း မြင့်တက် မနေ, ခြေမျက်စိတိုင်အောင် လျှောကျ၍လည်း မနေ, ရင်ဘတ်ပေါ်၌လည်း မနေ, လက်ဝဲတစ်ဖက်ကို ဖော်ကာ ရင်တစ်ခြမ်းပေါ်၌လည်း မနေ, (ချွေးစိုနေသူကဲ့သို့) သင်္ကန်းသည် ကိုယ်၌ ကပ်၍ ကျစ်ကျစ်ကလေးလည်း မဖြစ်, ကိုယ်မှ ကွာ၍ ပွတတလည်း မဖြစ်ပါ၊ ကိုယ်တော်မှ သင်္ကန်းကွာသွားအောင် လေလည်း မတိုက်နိုင်ပါ၊ ကိုယ်၌ မြူမှုန်လည်း မလူးပါ၊
ကျောင်းရောက် သောအခါ ခင်းထားပြီးသော နေရာ၌ ထိုင်၍ ခြေဆေးတော်မူပါ သည်၊ ခြေဆေးရာ၌ ခြေကို အိုးခြမ်းစသည်ဖြင့် တိုက်၍ လှပအောင် ဆေးသည်မဟုတ်, ခြေကို ခြေချင်း ပွတ်၍သာ ဆေးတော်မူ၏၊ ခြေတော်ဆေးပြီးနောက် တင်ပျဉ်ဖွဲ့ခွေ၍ (ကမ္မဋ္ဌာန်းထိုင်သလို) ထိုင်နေပါသည်၊ အရှင်ဂေါတမသည် မိမိဆင်းရဲအောင်လည်း အားမထုတ်, သူတစ်ပါး ဆင်းရဲအောင်လည်း အားမထုတ်ဘဲ မိမိ၏စီးပွား, သူတစ်ပါးတို့၏ စီးပွား, လောက၏ စီးပွားများကို စဉ်းစားကြံစည်နေဟန် တူပါသည်။
ပရိသတ်၌ တရားဟောတော်မူပုံ
ထို့နောက် ရောက်လာသော ပရိသတ် အား တရားဟောပြန်ပါသည်၊ ထိုသို့ ဟောရာ၌ “မဟာရာဇာကြီး, သူကြွယ်ကြီး, သူဌေးမင်း”စသည်ဖြင့် ““ကြီး””ဟူသောစကားလုံးများကို အသုံးပြုကာ မြှောက်လည်း မမြှောက်ပါ၊ “ဥပါသကာ… ကျောင်းလာတဲ့လမ်းကို မသိလို့လား, ဘာ့ကြောင့် မလာဘဲ အကြာကြီးနေရသလဲ, ဦးပဉ္စင်းတွေက လုမှာစိုးလို့လား, မကြောက်ပါနဲ့ လုမယူပါဘူး”စသည်ဖြင့် ပြောဆိုကာ နှိမ်လည်း မနှိမ်ပါ၊
တရားသဘောသက်သက်ဖြင့်သာ အားတက်ရွှင်လန်းလာအောင် ဟောပါသည်၊ အသံတော်မှာ အလွန် သာယာ၍ ပရိသတ်များလျှင် များသလောက် ပရိသတ်၏အထက် မှာ ပျံဝဲနေပါသည်၊ ပရိသတ်၏ပြင်ဘက်သို့ ပျံ့နှံ့၍ ထွက်မသွားပါ၊
တရားပြီးဆုံး၍ ပြန်ကြသော ပရိသတ်သည် ဦးခေါင်းပေါ်၌ လက်အုပ်တင်ကာ အရှင်ဂေါတမကို ကြည့်၍ နောက်ဆုတ်သွားပြီး လျှင် မမြင်လောက်မှ ဦးချ၍ နာပြီးသောတရားတော်၏ ဂုဏ် ကျေးဇူးကို ပြောလျက် သွားကြပါသည်။
ထိုနေရာကနေ၍ ဗုဒ္ဓကို ရှိခိုးပုံ
ဤသို့ ဥတ္တရလုလင်သည် တွေ့ကြုံသမျှတို့ကို ထုတ်ဖော်ပြောပြီးလျှင်“အရှင်ဆရာကြီး ထိုအရှင်ဂေါတမသည် ကျွန်တော် ပြောပြခဲ့သော ဂုဏ်များသာမက ထို့ထက် များပြားသဖြင့် ပြော၍ မကုန် နိုင်အောင် ဂုဏ်အပေါင်းတို့နှင့် ပြည့်စုံပါသည်”ဟု နိဂုံးအုပ်လိုက် သောအခါ ဗြဟ္မာယုပါမောက္ခကြီးသည် ထိုင်နေရာမှ ထ၍ အပေါ်ခြုံကို လက်ကတော့ တင်ကာ ဗုဒ္ဓရှင်တော်ရှိရာသို့ လက်အုပ် ချီပြီးလျှင် “နမော တဿ ဘဂ၀တော အရဟတော သမ္မာ သမ္ဗုဒ္ဓဿ”ဟု သုံးကြိမ် ဥဒါန်းကျူး၍ “အရှင်ဂေါတမနှင့် ဘယ်တော့ တွေ့ဆုံရပါ့, ဘယ်တော့ စကားပြောရပါ့”ဟု တတွတ်တွတ် ပြောဆိုကာ ဗုဒ္ဓရှင်တော်မြတ်နှင့် တွေ့ရမည့် အချိန်အခါကိုသာ စောင့် မျှော်နေလေတော့သည်။
ဗုဒ္ဓနှင့်တွေ့ပုံ
ထိုသို့ စောင့်မျှော်နေစဉ် ဗုဒ္ဓရှင်တော်မြတ် မိထိလာမြို့သို့ ကြွရောက်တော်မူလာကြောင်းကို ကြားရ၍ လုလင်တစ်ယောက်ကို ခေါ်ပြီးလျှင် “အမောင် သွားချေ, အရှင်ဂေါတမရှိရာသို့ ချဉ်းကပ်၍ ငါ၏ အမေးဖြင့် “ကျန်းမာချမ်းသာ ပါရဲ့လား”ဟု မေးချေ၊ ထို့ပြင် လျှောက်ထားရဦးမည်မှာ “အရှင် ဂေါတမ… ဗြဟ္မာယုပုဏ္ဏားကြီးသည် အသက်တစ်ရာ့နှစ်ဆယ် ကြီးရင့်ပါပြီ၊ ဤမိထိလာမြို့၌ စည်းစိမ်အားဖြင့်လည်း အကြီးဆုံး, ဝေဒမန္တန်အားဖြင့်လည်း အသာဆုံး ဖြစ်ပါသည်၊ ထိုဗြဟ္မာယု ပါမောက္ခကြီးသည် အရှင်ဂေါတမကို တွေ့လိုပါသည်”ဟု လျှောက်ပါလေ၊
ဤသို့ မှာထား စေလွှတ်၍ တွေ့ခွင့်တောင်းလေရာ ဗုဒ္ဓ အထံတော်မှ တွေ့ခွင့်ရသဖြင့် ပါမောက္ခကြီးလည်း နောက်ပါတပည့် များနှင့်အတူ ရောက်လာလေသည်၊ ပါမောက္ခကြီး ရောက်လာသော အခါ အလျင်ရောက်နေသော ပရိသတ်ကြီးသည် နေရာမှ ထ၍ နေရာဖယ်ပေးကြ၏၊ ပါမောက္ခကြီးကား “မဖယ်ကြပါနှင့်, မဖယ် ကြပါနှင့်, ထိုင်မြဲ ထိုင်ကြပါ”ဟု ပြောပြီး ဗုဒ္ဓအနီးသို့ ရောက်၍ ၀မ်းမြောက်ဝမ်းသာ နှုတ်ဆက်စကား ပြောဆိုပြီးလျှင် လက္ခဏာတို့ကို ကြည့်ရှုပြန်ရာ လျှာတော်နှင့် အင်္ဂါဇာတ်တော်မှတစ်ပါး အလုံးစုံ မြင်ရ၍ ထိုနှစ်ပါးကို ဗုဒ္ဓရှင်တော်က (ဥတ္တရလုလင်အား ပြသကဲ့သို့ ဗုဒ္ဓအစစ်ဖြစ်ကြောင်းကို လက္ခဏာမြင်ရုံမျှဖြင့် ဆုံးဖြတ် ပြီးလျှင် ခက်ခဲသော ပြဿနာရှစ်ချက်ကို မေးလေသည်။
ထိုပြဿနာတို့ကို ဖြေပြီးသောအခါ နေရာမှထ၍ ဗုဒ္ဓရှင်တော် ၏ ခြေတော်ကို ပါးစပ်ဖြင့် စုပ်, လက်ဖြင့်လည်း အားရပါးရဆုပ်ကာ “ဗြဟ္မာယုဆိုတာ တပည့်တော်ပါပဲ, ဗြဟ္မာယုဆိုတာ တပည့်တော် ပါပဲ”ဟု လျှောက်လေသည်၊ ထိုအခါ ပရိသတ်အားလုံးသည် “ဤ မျှလောက် ထင်ရှားသော ပါမောက္ခကြီးသည်ပင် သို့ကလောက် ရိုသေလေးစားပါကလား”ဟု လှုပ်လှုပ်ရွရွနှင့် တအံ့တသြ ဖြစ်ကြလေသည်။ [ထို့နောက် သစ္စာလေးပါးတရားတော်ကို ဆက်၍ ဟောပြတော် မူသောအခါ အနာဂါမ်တိုင်အောင် တည်၍ ခုနစ်ရက် လုံးလုံး ဆွမ်းကပ်ပြီးလျှင် မကြာခင် စုတေလေ သည်၊ ဤပါမောက္ခ ကြီး၏ ဘုရားနှင့် တွေ့ပုံ, တရားရပုံများကို ယခုခေတ်ပညာရှိတို့ အတုယူသင့်ကြ၏၊ ဘုရားဟု နာမည်ကျော်ကြားတိုင်း မသွားသင့် ပုံကို အထူး အတုယူသင့်ပါသည်။]
Credit to
Credit to
No comments:
Post a Comment