သန္ဓေအသစ်တည်ပုံ
ပြခဲ့သောနည်းဖြင့် ရှေးဘ၀ စုတေခါနီး၌ ကံဖြစ်စေ, ကမ္မနိမိတ်ဖြစ်စေ, ဂတိနိမိတ်ဖြစ်စေ ထင်လာပြီး၍ စုတေစိတ်(တစ်ဘ၀အတွက် နောက်ဆုံးစိတ်) ဖြစ်ပြီးသည်နှင့် တစ်ဆက်တည်းပင် ယခုဘ၀၌ ၀ိညာဉ်အသစ်သည် ရှေးသင်္ခါရကံကြောင့် အသစ်ဖြစ်ရတော့၏၊ ထိုသို့ ကံကြောင့် အသစ်ဖြစ်ရသော ၀ိညာဉ်ကို “ပဋိသန္ဓေစိတ်”ဟု ခေါ်၏။
[ဘ၀ဟောင်း၌ နောက်ဆုံး စုတေစိတ် ဖြစ်ပြီးသောအခါ နောက်ထပ် အဆက်အစပ် မရှိလျှင် ထိုသတ္တ၀ါသည် ပြတ်စဲရချေတော့မည်၊ ထိုသို့ မပြတ်စဲရအောင် နောက်ထပ် ဆက်စပ်သောစိတ်ဟု ဆိုလိုသည်၊ ပဋိ-တစ်ဖန် (ထပ်၍) + သန္ဓိ-ဆက်စပ်သောစိတ်၊ ထိုပဋိသန္ဓေစိတ် ဖြစ်ခြင်းကို “သန္ဓေတည်ခြင်း”ဟု ခေါ်စမှတ် ပြုကြသည်။]
ဆက်ဦးအံ့…“ရှေးကံ (သင်္ခါရ)”ဟူရာ၌ “ရှေး”ဟူရာဝယ် ရှေးလွန်လေပြီးသော တစ်ဘ၀မျှကို မဆိုလို၊ ရှေးဘ၀ပေါင်းများစွာက ပြုခဲ့ဖူး၍ အကျိုးပေးခွင့် မရသဖြင့် ထိုသူ့သန္တာန်ဝယ် သတ္တိဓာတ်ခံ အနေအားဖြင့် တည်လျက်ရှိသော ကံအားလုံးတွင် အခွင့်သင့်ရာ ကံသင်္ခါရတစ်ခုခုကြောင့် ယခုဘ၀၌ ပဋိသန္ဓေ၀ိညာဉ်သစ် ဖြစ်ရသည်ဟု ဆိုလိုသည်။
မည်သည့်ကံမျိုး အကျိုးပေးခွင့်ရသလဲ
သေခါနီး၌ သူတော်ကောင်းများနှင့် ပေါင်းသင်း၍ တရားစကား ပြောကြား နာနေရသူ, တရားနှလုံးသွင်းနေသူ စသည်ဖြစ်လျှင် ကောင်းသော ကံသင်္ခါရသည် အကျိုးပေးခွင့်ရမည်၊ မကောင်းမှုပြုခိုက် ကြုံလျှင်လည်းကောင်း, သား သမီး ပစ္စည်းဥစ္စာ စသည်ကို စွဲလမ်း၍ သောကစသည် ဖြစ်လျှင်လည်းကောင်း မကောင်းကံသင်္ခါရသည် အကျိုးပေးခွင့်ရ၏၊ လွန်ခဲ့သော ဘ၀နှင့် ရှေးဘ၀ပေါင်းများစွာက ပြုခဲ့သော ကံများတွင် သေခါနီးမှ ကပ်၍ ပြုအပ်သောကံ (သို့မဟုတ်) ရှေးက ပြုထားသော်လည်း သေခါနီး၌ သတိရလာသောကံသည် အကျိုးပေးခွင့်ရ၏။
ဘုရားရှင်လက်ထက်တော်၌ ဘုရင့်အမိန့်အရ အပြစ်ရှိသူများကို သတ်ဖြတ်၍ အမှုထမ်းရသော “လက်မရွံ့အာဏာသား”ခေါ် သူသတ်ကြီးသည် ထိုသူသတ်ရာထူးမှ ထွက်သောနေ့၌ပင် အရှင်သာရိပုတြာ၏ တရားတော်ကို နာရ၍ အလွန်ကြည်လင်ရွှင်ပျလျက် စုတေသွားရာ နောက်ဆုံးပြုအပ်သော ကံသင်္ခါရသည် လူသတ်မှုကံတွေကို လွှမ်းမိုး၍ နတ်ပြည်၌ အကျိုးဝိညာဉ်ကို ဖြစ်စေလေသည်။ [လူသတ်မှုကံတွေကား နောက်နောက်ဘ၀၌ အခွင့်သင့်သောအခါ အကျိုးပေးလိမ့်ဦးမည်။]
ဒုဋ္ဌဂါမဏိအဘယမင်းလည်း ညီတော်နှင့် စစ်ဖြစ်စဉ်က တောထဲ၌ လှူခဲ့ရသော ပွဲတော်တစ်နပ်စာကို သတိရ၍ ကံကုန်လေရာ လောလောဆယ် တည်နေသော မဟာစေတီကုသိုလ်ကြီးကိုပင် ထိုပွဲတော်တစ်နပ်စာအလှူ ကံသင်္ခါရက လွှမ်းမိုး၍ တုသိတာ နတ်ပြည်၌ ၀ိပါက်ဝိညာဉ်အကျိုးကို ပေးလေသည်။
ရှေးရှေးကကံများ အကျိုးပေးပုံ
(နာရဒဇာတ်တော်၌လာသော) အလာတအမတ်သည် ကဿပဘုရားရှင်၏ စေတီတော်ကို ပန်းပူဇော်ခဲ့ဖူး၏၊… ထိုဘ၀မှ စုတေ၍ ကံအမျိုးမျိုးကြောင့် ဘ၀အမျိုးမျိုးဝယ် ကျင်လည်ခဲ့ရာ တစ်ဘ၀၌ နွားသတ်သမားကြီး ဖြစ်၏၊ ထိုဘ၀၌ စုတေခါနီးသော် ထိုနွားသတ်မှုကံသည် (ပြာဖုံးနေသော မီးကျီးကဲ့သို့) မထင်လာဘဲ အလွန်ကြာမြင့်သော ဘ၀တုန်းက စေတီတော်ကို ပန်းပူဇော်မှု ထင်လာ၍ ထိုအလာတအမတ်ဘ၀၌ ၀ိညာဉ်အသစ် ဖြစ်ရလေသည်။
ဗီဇကမည်သောကျွန်ကား ကဿပဘုရားရှင်လက်ထက်တော်၌ မျက်စိလည် လမ်းမှား နေသော ရဟန်းတစ်ပါးက လမ်းမေးရာ မပြောဘဲ နေခဲ့ဖူး၏၊ ရဟန်းက ထပ်၍ မေးမြန်းရာ စိတ်ဆိုးဆိုးနှင့် “ရဟန်း…ကျွန်မျိုးဆိုတာ (တောင်မေး မြောက်မေးနှင့်) နှုတ်မစောင့် တတ်ကြဘူး, ကျွန်ဖြစ်ဟန် တူတယ်”ဟု ပြောမိခဲ့၏၊ သူသည် အခြား ကံအမျိုးမျိုးကြောင့် ဘ၀ပေါင်းများစွာ ဖြစ်ခဲ့ရာ ကုသိုလ်ကံကြောင့် သာကေတမြို့၌ သူဌေးဖြစ်၍ ကောင်းမှုအမျိုးမျိုးကို ပြု၏၊ ထိုဘ၀မှ စုတေသော် ကောင်းမှုကံတွေ အခွင့်မသာဘဲ ရဟန်းကို “ကျွန်”ဟု ဆိုခဲ့သော ရှေးအကုသိုလ်ကံ ပေါ်ထင်လာသဖြင့် ထိုသင်္ခါရကြောင့် ကျွန်မ၀မ်း၌ ၀ိညာဉ်အသစ် ဖြစ်ရလေသည်။
မှတ်ချက်။ ။ ဤပြခဲ့သော စကားစဉ်အရ ကံသင်္ခါရသည် အလွန်ဝေးကွာသော ဘ၀တုန်းက ပြုခဲ့သော်လည်း သူ၏ သတ္တိ (ပဋ္ဌာန်းတရားတော်အရ ကမ္မပစ္စည်း)သည် ထိုသူ့သန္တာန်မှ ပျောက်ကွယ်မသွားဘဲ အကြောင်းအားလျော်စွာ စုတေခါနီးအခါ၌ (ယခု လောလောဆယ် ပြုရသကဲ့သို့) ထင်ပေါ်လာတတ်၏၊ ထိုသို့ ထင်လာလျှင် ရှေးရှေးက ပြုခဲ့သော ထိုကံသည် ဧကန် အကျိုးပေးတော့မည်ဖြစ်ရကား စုတေစိတ် ကျသည်နှင့် တစ်ပြိုင်နက် ထိုသင်္ခါရကြောင့် ဘ၀သစ်၌ ပဋိသန္ဓေခေါ် ၀ိညာဉ်အသစ် ဖြစ်ရ၏၊
ထိုသို့ ဖြစ်ရာဝယ် လူ့ပြည်၌ စုတေစိတ်ကျလျှင် စုတိချုပ်သည်နှင့် တစ်ပြိုင်နက် နတ်ပြည်မှာ ဖြစ်စေ, ငရဲပြည်မှာ ဖြစ်စေ မိမိကံအား လျော်စွာ ချက်ချင်းဆက်၍ ပဋိသန္ဓေစိတ် ဖြစ်ရသည်၊ ရှေးဘ၀ စုတိနှင့် ဤဘ၀ ပဋိသန္ဓေသည် စက္ကန့်တစ်စိတ်မျှ ကာလ ကြာမြင့် ခြင်း မရှိ၊ တစ်ဘ၀တည်းဝယ် စိတ်တစ်ခုနှင့် တစ်ခု ဆက်နေသလို ရှေးဘ၀ စုတိစိတ်နှင့် နောက်ဘ၀ ပဋိသန္ဓေ၀ိညာဉ်စိတ်လည်း တစ်ဆက်တည်းပင် ဖြစ်ရသည်ဟု မှတ်ပါ။
Credit to
No comments:
Post a Comment