အသင်္ခတဓာတ် ကမ္မဋ္ဌာန်းပေါက်၍ ရဟန္တာအဖြစ်သို့ ရောက်နေသူ၏သန္တာန်၌ (သမုဒယသစ္စာခန်း၌ ပြအပ် ခဲ့သော) တဏှာသည် လုံးဝမရှိတော့၊ တဏှာမရှိလျှင် နောက်ဘ၀ ခန္ဓာအသစ်ကို မလိုလားတော့ချေ၊ ကံကြောင့် ခန္ဓာအသစ် ဖြစ်ရသော်လည်း ထိုကံသည် သူ့ချည်းသက်သက် ခန္ဓာအသစ်ဖြစ်အောင် ပြုစီမံခြင်းငှာ မစွမ်းနိုင်၊ တဏှာအဖော် ပါမှသာ စီမံနိုင်သည်၊
ထို့ကြောင့် ရဟန္တာသန္တာန်၌ ရှိသမျှ ကောင်းမှုတွေသည် (အသီး မသီးသော လေပွင့်များကဲ့သို့) နောင်သံသရာဝယ် ခန္ဓာအသီးကို မသီးစေနိုင်တော့ရကား ရဟန္တာတို့၏ နောက်ဆုံးရုပ်နာမ် ချုပ်သည် နှင့် တစ်ပြိုင်နက် (စုတေသည်နှင့်တစ်ပြိုင်နက်) ရုပ်နာမ်ခန္ဓာအဆက် မရှိတော့ဘဲ အသင်္ခတဓာတ်သာ တည်ရစ်တော့သည်။ [အသင်္ခတ= ကံလည်း မပြုရ, စိတ် ဥတု အာဟာရလည်း မပြုရဘဲ + ဓာတု = အေးငြိမ်းခြင်းသဘောကို ဆောင်နေသောဓာတ်။]
အရိယာဖြစ်လျှင် မြင်ရပြီ
ဗုဒ္ဓမြတ်စွာသည် ထိုအသင်္ခတဓာတ်ဖြစ်သော နိရောဓသစ္စာကို ဗုဒ္ဓဖြစ်ခါနီးဝယ် သစ္စာ လေးပါးကို မဂ်ဉာဏ်လေးပါးဖြင့် မြင်တုန်းကပင် မြင်ခဲ့ရပြီ၊ ထိုနိရောဓသစ္စာနိဗ္ဗာန်ချမ်းသာကို ဖလသမာပတ် ၀င်စားတော်မူကာ မကြာ မကြာ ခံစားတော်မူ၏၊ ပရိနိဗ္ဗာန်စံတော် မူခါနီး၌လည်း စုတိတော် မရောက်မီ ဈာန်သမာပတ် ၀င်စားတော် မူ၏၊ ထိုသို့ မ၀င်စားမီ ထိုဖလသမာပတ်ဖြင့် နိဗ္ဗာန်ကို အာရုံပြုကာ လွန်စွာချမ်းသာတော်မူသည်၊ အခြားအရိယာများလည်း ထိုဖလ သမာပတ်ဖြင့် မိမိ၏ နိဗ္ဗာန်ကို အာရုံပြုကာ ချမ်းသာတော်မူနိုင်ကြပေသည်။
သုခ နှစ်မျိုး
ခံစားရသော ချမ်းသာကို “ဝေဒယိတသုခ”ဟု ခေါ်၍ မခံစားရဘဲ အေးငြိမ်းချမ်းသာမှုကို “သန္တိသုခ”ဟု ခေါ်၏၊ များစွာသော လူတို့သည် ခံစားဖူးကြ, ခံစား နေရ, ခံစားရ၍ ပြုံးပြနေသူတို့ကို မြင်ကြရသဖြင့် မခံစားရဘဲ သုခဖြစ်သည်ကို မယုံကြည်နိုင်ကြချေ။
ရုပ်နာမ်ခန္ဓာ မရှိ၊ ခံစားစရာ မရှိသော နိဗ္ဗာန်ဆိုသည်ကိုပင် အဟုတ် မလိုချင်ကြပေ၊ ထိုသို့ ဖြစ်နေရာဝယ် စဉ်းစားဖွယ်ကား… ခွေးဘ၀ ရောက်နေလို့သာ မစင်ကို စားချင်သည်၊ ခွေးဘ၀မှ လွတ်၍ လူဖြစ်သောအခါ စားပါဆိုတောင် မစင်ကို မစားနိုင်၊ စားချင်စိတ်လည်း မရှိ၊ စင်စစ်ကား မြင်ရုံမျှဖြင့် အော့နှလုံးနာကြသည်၊ ထို့အတူပင် ခံစားတတ်သော တဏှာမကုန်သေး၍သာ ခံစားချင်နေသည်၊ တဏှာကုန်ခမ်း၍ ရဟန္တာ ဖြစ်သောအခါ ခံစားပါ ဆိုတောင် မခံစားတော့၊ ခံစားချင်စိတ်လည်း မရှိတော့၊ စင်စစ်သော် ကာမဂုဏ်တွေကို စက်ဆုပ် ရွံမုန်း၍ မခံစားဘဲ အေးငြိမ်းသော သန္တိသုခကိုသာ နှစ်သက်နေပေတော့သည်။
သန္တိသုခ၏အေးမြပုံ
ဤနေရာဝယ် သူဋ္ဌေးဒကာနှင့်ကမ္မဋ္ဌာန်း ဆရာတော်တို့ ဖြစ်ပုံကို ပြသင့်၏၊ တရားနှင့် နေသော ဆရာတော်တစ်ပါးအထံသို့ သူဌေးအခေါ်ခံ ဒကာတစ်ယောက် ရောက်လာ၏၊ ထိုအခါမှာ ဆရာတော်သည် သစ်ပင်အောက်ရှိ ခုတင်ကလေးပေါ်ဝယ် ရေသနုပ်သင်္ကန်းဟောင်းကလေးကို ခင်းကာ သစ်တုံးငယ်ခေါင်းအုံးကို အနားထား၍ တစ်ပါးတည်း ထိုင်နေ၏၊ ရောက်လာသော သူဌေးဒကာသည် “အမလေး … ကောင်းလိုက်တာဘုရား, ချမ်းသာလိုက်တာဘုရား”ဟု အားရပါးရ ဥဒါန်းကျူးလေ၏၊
“ဘာကို ခံစားရ၍ ချမ်းသာလိုက်တာဘုရား”ဟု ဥဒါန်းကျူးရသလဲ၊ ဘာမျှ မခံစားရပါ၊ အေးမြ ငြိမ်းချမ်းပုံကို မြင်ရ၍ သဘောကျသောကြောင့် ဥဒါန်းကျူးခြင်း ဖြစ်ပါသည်၊ ထို့ကြောင့်ပင် မကြာခင် ထိုသူဌေးလည်း ထိုဆရာတော့်အထံ ဒုလ္လဘရဟန်း ပြုလေသည်၊ ဤသို့လျှင် ထိုဆရာတော်၏ လက်တွေ့သန္တိသုခသည် သူဌေးစည်းစိမ်ထက်ပင် သာ၍ ကောင်းလှပေသည်။
Credit to
No comments:
Post a Comment