အစမရှိသော်လည်း လက်တွေ့မှန်ပုံ
ဤ ပဋိစ္စသမုပ္ပာဒ်တရားစဉ်အရ ရှေ့အစွန်းအစကို ဉာဏ်ဖြင့်လိုက်၍ ကြည့်သောအခါ အစွန်း အစ မတွေ့ရဘဲ “လိုက်လေ ပြေးလေ”ဖြစ်နေရကား “ရှေ့အစွန်းအစ မရှိ”ဟုပင် မှတ်ထားရတော့မည်၊ သို့သော် ထိုသို့ မှတ်ထားခြင်းကား ပုထုဇဉ်တို့ ဉာဏ်ဖြင့် ဧကန် ဒိဋ္ဌ သိရှိရ၍ အားရပါးရ သဘောကျသော မှတ်ထားခြင်း မဟုတ်သေးချေ။
ဤနေရာ၌ ပြောစမှတ်တစ်မျိုးကို ပြဦးမည်၊ ပဋ္ဌာန်းပစ္စည်း တစ်နေရာ၌ ဆရာအစဉ်အဆက် မကျေနပ်သော အယူအဆ ကလေး တစ်ချက်ရှိ၏၊ စာသင်သားတစ်ပါးက ဆရာတော်တစ်ပါးအား လျှောက်သောအခါ “အရိမေတ္တေယျဘုရားရှင် ပွင့်တော်မူလာ ပါလိမ့်မည်၊ အဲဒီအခါကျမှ သေသေချာချာ လျှောက်ပေတော့”ဟု အဖြေပေးတော်မူသတဲ့။
ဆရာတော်တစ်ပါးကမူ “ကိုယ့်ကိုယ်တိုင် ဘုရားဖြစ်အောင် ပါရမီ ဖြည့်ပါ၊ ဘုရားဖြစ်တော့မှ သေသေချာချာ သိရပါလိမ့်မည်”ဟု အဖြေပေးသတတ်၊ ထိုဆရာတော်များ အဖြေပေးကြသလို ရှေ့ အစွန်းအစကို တွေးကြည့်ရာ၌ ယခုခေတ်ဝယ် မည်သည့် ပညာရှိမျှ ကျနစွာ ဖြေဆို နိုင်တော့မည် မဟုတ်ပါ၊ မိမိကိုယ်တိုင် အရိယာအဖြစ် ရောက်၍ တရားပေါက်မှ ဖြစ်စေ, နောက်ဘုရားတစ်ဆူ ပွင့်တော်မူမှဖြစ်စေ ပိုင်နိုင်သော အဖြေကို ရကြပေလိမ့်မည်။
ယခုစာတို့၌ တွေ့ရသည်ကား “ပုဗ္ဗကောဋိ န ပညာယတိ-ရှေ့အစွန်းအစကို မသိအပ် မသိနိုင်”ဟုသာတည်း၊ ဤသို့ ရှေ့ အစွန်းအစကို မသိရသော်လည်း ပဋိစ္စသမုပ္ပာဒ်နည်းအရ လက်တွေ့ အဖြစ်အပျက်တွေကား မှန်ကန်လှ၏၊ စက္ခာယတန မရှိလျှင် စက္ခုနှင့် ဆိုင်သော ဖဿ မဖြစ်, ဖဿ မဖြစ်လျှင် ဝေဒနာ မဖြစ်, ဝေဒနာ မဖြစ်လျှင် တဏှာ မဖြစ်, စက္ခာယတန ဖြစ်သောကြောင့် သာ ဖဿ စသည် ဖြစ်ရ၏၊ ထိုစက္ခာယတနလည်း ရှေးကံသင်္ခါရ ကြောင့် စိတ်ဝိညာဉ် နာမ် ရုပ် ဖြစ်ရာတွင် ပါဝင်ခဲ့ရ၏။
ဤသို့ စသည်ဖြင့် စစ်ဆေးကြည့်သောအခါ လက်တွေ့အားဖြင့် လည်း မှန်နေသည်ကို တွေ့ရပါလိမ့်မည်၊ (“န ပညာယတိ”ဟု ဆိုရာ၌ “ဘုရားရှင်က မသိ”ဟု မဆိုလို၊ အစ မရှိသောကြောင့် “အစကို မသိနိုင်”ဟုသာ ဆိုလိုပါသည်၊ အခြားနေရာ၌လည်း “အနမတဂ္ဂေါ-အနှစ် တစ်ရာ တစ်ထောင် စသည်ဖြင့် လိုက်၍ မသိနိုင်သော အစရှိ၊ ၀ါ-အစ မရှိ”ဟု ဆိုပါသည်။)
အချို့စွပ်စွဲပုံ
ဘာသာခြားအယူ ရှိသူတို့က “ဗုဒ္ဓဘာသာဝင် တို့၏ အယူ၌ လူ၏ အစသည် အ၀ိဇ္ဇာ (ဘာမျှ မသိခြင်း)က စ၍ အဆုံးကား နိရောဓ (ဘာမျှ မရှိခြင်း)မှာ ဆုံး၏၊ မသိခြင်းက စ၍ မရှိခြင်းမှာ ဆုံးသည်”ဟု ဆိုလိုကြ၏၊ သူတို့ ယူဆသလို “အ၀ိဇ္ဇာက စ၍ ဖြစ်သည်”ဟု မဆိုလိုပါ၊ ပဋိစ္စသမုပ္ပာဒ် တရားတော်ကို ဟောရာ၌သာ ရှေးဘ၀ အကြောင်းကို ပြလို၍ အ၀ိဇ္ဇာနှင့် သင်္ခါရကို ပထမ ပြလိုက်ပါသည်၊ အဆုံး နိဗ္ဗာန်လည်း ဘာမျှ မရှိသောအရာ မဟုတ်ပါ၊ စိတ် စေတသိက်များ ထင်ရှား ရှိကြသလို နိဗ္ဗာန်လည်း ထင်ရှားရှိသော ဓာတ်တစ်မျိုးပင် ဖြစ်သည်၊ ထို့ကြောင့် “မသိခြင်းက စ၍ မရှိခြင်းမှာ ဆုံးသည်”ဟု မစွပ်စွဲ ထိုက်ပါ၊
တချို့ကလည်း “ဘုရားရှင်ကိုယ်တိုင် အစကို မသိ”ဟု စွပ်စွဲကြ၏၊ “မသိ”ဆိုသည်မှာ မောဟသဘော ဖြစ်၍ ထိုသို့ မစွပ်စွဲ ထိုက်ပါ။
သံသရာအဆုံးသတ်ပုံ
ဝိညာဉ် နာမ်ရုပ်တို့ ဆက်ကာဆက်ကာ ဖြစ်ခြင်းကို “သံသရာ”ဟု ခေါ်၏၊ တစ်ယောက်အတွက်ဆိုလျှင် ထိုသူ၏ ၀ိညာဉ် နာမ်ရုပ်တို့ ဆက်ကာ ဆက်ကာ ဖြစ်ခြင်းကို ထိုသူ့အတွက် “သံသရာ”ဟု ခေါ်၏၊ တစ်ယောက်အတွက် သံသရာ၏အခြေအမြစ်ကို ရှာလျှင် ရှေးဘ၀၌ အ၀ိဇ္ဇာကို တွေ့ရ၏၊ ဤဘ၀၌ (နောက်ဆက်၍ ဖြစ်ဖို့ရာ) တဏှာကို တွေ့ရ၏၊ မှန်၏၊ ရှေ့ဘ၀၌ အ၀ိဇ္ဇာ မဖြစ်ခဲ့လျှင် ကံသင်္ခါရပင် မဖြစ်တော့ရကား ဤဘ၀၌ ၀ိညာဉ် နာမ်ရုပ်တို့ စုပေါင်းလျက် သတ္တ၀ါဟု ထင်မြင်ရသော အကောင်အထည် ပေါ်လာမည်မဟုတ်။
ဤဘ၀၌ ဝေဒနာကြောင့် တဏှာ မဖြစ်ဘဲ သဒ္ဓါစသော တရားကောင်းတွေ ဖြစ်နေလျှင် ဥပါဒါန်နှင့် ကမ္မဘ၀ မဖြစ်တော့ရကား (ရဟန္တာ ဖြစ်လောက်အောင် တဏှာကုန်သူတို့အတွက်) နောက် ဘ၀ ဆက်ဖွယ် မရှိ၊ ဝေဒနာကြောင့် တဏှာ စသည် ဖြစ်သော ကြောင့်သာ နောက်ဘ၀ကို ဆက်ရပြန်သည်၊ ထို့ကြောင့် အ၀ိဇ္ဇာနှင့် တဏှာသည် သံသရာစက်၏ အခြေအမြစ်ဟု သိရ၏၊ သို့ဖြစ်၍ အ၀ိဇ္ဇာနှင့်တဏှာ အမြစ်ကို ဖြတ်နိုင်ဖို့ရာ အရေးကြီး၏၊ ဘယ် နည်းဖြင့် ဖြတ်မည်နည်း၊ တဏှာသည် သူများသန္တာန်မှာ ဖြစ်သည် မဟုတ်၊ ကိုယ့်သန္တာန်မှာ ဖြစ်၏၊ ထိုတဏှာဖြစ်တိုင်းလည်း အ၀ိဇ္ဇာပါနေ၏၊ တဏှာနှင့် အ၀ိဇ္ဇာတို့ကို ကိုယ်တိုင်ဖြတ်လျှင် ဘာ့ကြောင့် မပြတ်ဘဲ ရှိမည်နည်း။
အထူးစင်ကြယ်သော သီလမြေပြင်ဝယ် ကြိုးစားအားထုတ် ချင်သော ၀ီရိယခြေအစုံကို တည့်မတ်စွာ ရပ်တည်၍ သမာဓိတည်း ဟူသောဓားသွေးကျောက်၌ ထက်မြက်စွာသွေးအပ်သော ၀ိပဿနာ ဉာဏ်သန်လျက်ကို အချက်ကျစွဲကိုင်ကာ “တဏှာနှင့် အ၀ိဇ္ဇာကို အရင်းခံ၍ ၀ိညာဉ် နာမ် ရုပ်တို့ ဆက်ကာ ဆက်ကာ ဖြစ်နေသော ကိုယ်ခန္ဓာဝယ် အထည်ကိုယ် အမာခံ အနှစ် အမြုတေဟု ခေါ်ဝေါ် ပြောဆိုရလောက်သော အတ္တလည်း မရှိ, အားလုံးသော ၀ိညာဉ် နာမ် ရုပ်တို့သည် အနတ္တ, အနိစ္စ, ဒုက္ခ ဖြစ်၍ အမြဲသေပျောက် နေသော အသုဘတွေချည်းပါတကား” ဟု စိတ်ပါလက်ပါ ဆင်ခြင် ဖြတ်တောက်ကြပါလျှင် အဘယ်မှာ နှစ်သက်မှု တဏှာနှင့် အ၀ိဇ္ဇာ မပြတ်ဘဲ နေနိုင်ပါတော့မည်နည်း။
တဏှာနှင့်အ၀ိဇ္ဇာပြတ်လျှင် သင်္ခါရလည်း မဖြစ်, ကမ္မဘ၀လည်း မဖြစ်တော့ရကား နောက်ဘ၀၌ ၀ိညာဉ်အဆက်မရှိတော့ဘဲ သတ္တ၀ါ တစ်ယောက်အတွက် သံသရာအဆက်ပြတ်၍ အသင်္ခတဓာတ်သာ တည်ရစ်တော့သည်၊ ထို့ကြောင့် “အ၀ိဇ္ဇာယတွေဝ အသေသ ၀ိရာဂနိရောဓာ, သင်္ခါရနိရောဓော - အ၀ိဇ္ဇာ၏ အရဟတ္တမဂ်ဖြင့်အကြွင်းမဲ့ ချုပ်ခြင်းကြောင့် သင်္ခါရတို့၏ ချုပ်ခြင်းဖြစ်၏၊ သင်္ခါရ နိရောဓာ ၀ိညာဏနိရောဓော - သင်္ခါရတို့၏ ချုပ်ခြင်းကြောင့် ၀ိညာဉ်၏ ချုပ်ခြင်း ဖြစ်၏” ဤသို့ စသည်ဖြင့် အ၀ိဇ္ဇာ, သင်္ခါရ, ၀ိညာဉ် စသော တရားတို့၏ ချုပ်ပုံ (ချုပ်ကြောင်း နိဗ္ဗာန်)ကိုလည်း ဟောတော်မူပါသည်။
အနာဒိဒံ ဘ၀စကံ္က, ၀ီတကာရကဝေဒကံ၊ နိစ္စသုခသုဘတ္တေဟိ, သုညံ ပေဿ ပုနပ္ပုနံ။
ဣဒံ ဘ၀စကံ္က-ဘ၀မြားမြောင်, ဒုက္ခဆောင်လျက်, အခေါင် ရှည်ကြာ, သံသရာဘက်ယွန်း, ဤစက်ဝန်းသည်၊ အနာဒီ (အနာဒိ ၀တ)-ကမ္ဘာ့ ကမ္ဘာ, အစရှာလည်း, ရစရာပိုင်ပိုင်, မရှိနိုင်လေစွ တကား၊ ၀ီတကာရကဝေဒကံ-သူပြုစီမံ, သူခံစံဟု, ဆိုရန်အတ္တ, မရ အလျှင်း, ကင်းလေစွတကား၊ နိစ္စသုခသုဘတ္တေဟိ-မြဲရန်အချက်, ချမ်းသာကွက်နှင့်, သက်သက်မနှော, တင့်တယ်သော သဘောတို့မှ၊ သုညံ-မရှိလုံးလုံး, သုဉ်းခဲ့လေစွတကား၊ ဣတိ-ဤသို့၊ ပုနပ္ပုနံ-တစ်နေ့ တစ်ရက်, တစ်နံနက်မျှ, မကစိတ်စွဲ, ထပ်တလဲလဲသာလျှင်၊ ပေဿ-ဓိဋ္ဌာန်မြင့်မြင့်, နိဗ္ဗာန်ပွင့်အောင်, မလင့်ပုံသေ, ရှုစားသင့် ပေတော့သတည်း။
Credit to
ပဋိစ္စသမုပ္ပာဒ်မှတ်ဖွယ် ပြီးပြီ။
No comments:
Post a Comment