၎။ မြန်မာပြည်သာသနာခန်း
သထုံနှင့်ပုဂံ
သထုံပြည်၌ စစ်မှန်သော သာသနာရောက်သည်မှာ ပုဂံပြည်ထက် နှစ်ပေါင်းများစွာ အလျင်ကျ သည်ဟု မှတ်ရပေမည်၊ အရှင်မောဂ္ဂလိပုတ္တတိဿမထေရ် ကိုးတိုင်း ကိုးဌာနသို့ သာသနာပြုလွှတ်စဉ်ကပင် “သုဝဏ္ဏဘူမိ”ဟု ထင်ရှား သော ထိုအချိန်မှာ သမုဒ္ဒရာနှင့်လည်း နီးကပ်နေသော သထုံပြည် နေရာဟောင်းသို့ သာသနာပြု လွှတ်တော်မူသည်ဟု ယူဆကြ၏၊ မည်သို့ပင် ယူဆသည်ဖြစ်စေ ပုဂံပြည်ထက် သာသနာအစစ်အမှန် အလျင်ရောက်နေသည်ကား သေချာလောက်ပေသည်၊ ဘာ့ကြောင့်နည်း၊… အရှင်အရဟံ၏ အမိန့်တော်အရ သထုံပြည်သို့ ပိဋက အတောင်းလွှတ်ရသဖြင့် ပုဂံပြည်၌ သာသနာအစစ်အမှန် စတည် ချိန်ဝယ် သထုံပြည်၌ စာနှင့် ပေနှင့် ကျကျနန သာသနာတည်ပြီး ဖြစ်သောကြောင့်တည်း၊ ထိုသို့ သထုံပြည်၌ သာသနာမှန် တည်ရှိစဉ် ပုဂံပြည်၌ အရည်းကြီးဟု ထင်ရှားသော ရဟန်းတု ရဟန်းယောင် များသည် လက်ထပ်ခါနီး သတို့သမီးကို သူတို့ထံသို့ တစ်ညလုံး ပန်းဦးဆက်ရန် ပို့ရလောက်အောင် သောင်းကျန်း ညစ်ညမ်းလျက် ရှိကြလေသည်။
သာသနာကို အတင်းပြုပြင်ပုံ
လောက၌ တိုင်းပြည်အုပ်ချုပ် မင်းလုပ်နိုင်အောင် ဘုန်းသမ္ဘာ ရှိနေသူသည် စဉ်းစားဉာဏ်လည်း မနည်းတတ်ချေ၊ အနော်ရထာကား ထူးခြားသော ဘုန်းသမ္ဘာရှင်တည်း၊ ထို့ကြောင့် စဉ်းစားဉာဏ်လည်း ကြီးမားပုံ ရပေသည်၊ ထိုသို့ စဉ်းစားဉာဏ် ကြီးသည့်အတွက် အရည်းကြီးဆိုသူတို့၏ နေထိုင်ကျင့်ကြံပုံကို မကျေနပ်နိုင်ချေ၊ သို့ရာတွင် မင်းကျင့် တရား၌ “အ၀ိရောဓန-တိုင်းသူပြည်သားတို့နှင့် မဆန့်ကျင်ရခြင်း” ပါသောကြောင့် အများနှင့် မဆန့်ကျင်ဘဲ သာသနာပြုပြင်နိုင်မည့် အချိန်အခါကို စောင့်မျှော်နေစဉ် သထုံပြည်မှ “အရှင်ဓမ္မဒဿီ” ကြွတော်မူလာသဖြင့် “အရှင်အရဟံ”ဟု ထင်ရှားသော ထိုရဟန်း တော်ကို မင်းတရားကိုယ်တိုင် အလွန်ကြည်ညို ကျေနပ်နေရကား-
““ရှေ့ဆောင် နွားလား, အဖြောင့်သွားမူ,
နောက်နွားတစ်သိုက်, အဖြောင့်လိုက်၏””
ဟု ဆိုသည့်အတိုင်း မှူးကြီး မတ်ကြီးမှ စ၍ တိုင်းသူပြည်သား အများပင် ကြည်ညိုကျေနပ် လာသောအခါ သထုံပြည်မှ ဆရာတော်သံဃာတော် အများလည်း နောက်ထပ် ရောက်လာသောကြောင့် ““သာသနာပြုချိန် တန်ပြီ””ဟု ယူဆ၍ နဂိုက အောင့်သက်သက်ဖြင့် လက်ခံခဲ့ရသော အရည်းကြီး တစ်စုကို သင်္ကန်း အတင်းချွတ်၍ လူဝတ်လဲစေလေသည်။
ပရိယတ်နှင့်ပဋိပတ်
စာပေ သင်ယူ ပို့ချ ရေးသား ဟောပြောမှုများကို ““ပရိယတ္တိသာသနာ””ဟု ခေါ်၍ ၀ိနည်းတော်နှင့်အညီ ကျင့်ကြံ နေထိုင်မှုမှ စ၍ ကမ္မဋ္ဌာန်းအားထုတ် မှုကို ““ပဋိပတ္တိသာသနာ””ဟု ခေါ်၏၊ မြန်မာပြည်သို့ ပိဋကကျမ်းစာ များ ရောက်လာသောအခါ ပါဠိဘာသာဖြစ်သော ထိုပိဋကတော် များကို နားလည်ဖို့ရာမှာ လွယ်ကူသော ကိစ္စ မဟုတ်ချေ၊ ထို့ကြောင့် ထိုစဉ်အခါဝယ် အရှင်အရဟံစသော အရှင်မြတ်တို့၏ အကူအညီ ဖြင့်လည်းကောင်း, အိန္ဒိယမှ ဆက်သွယ်၍ သက္ကတတတ်သော ဗြာဟ္မဏလူမျိုးတို့၏ အကူအညီဖြင့်လည်းကောင်း ပိဋကတော် များကို နားလည်အောင် အလွန်အမင်း ကြိုးစားရလိမ့်မည်၊ ထို့ကြောင့် ပါဠိနှင့် မြန်မာ နှစ်ဘာသာ ယှဉ်ပြထားသော နိဿယများသည် ထိုခေတ်ကပင် စတွင်ခဲ့ဟန် တူပေသည်။
ထိုမျှလောက် ကြိုးစားပါသော်လည်း အသုံးအနှုန်း လွန်စွာ ကွဲပြားသောကြောင့် ပါဠိဘာသာကို မိရိုးဖလာဘာသာကဲ့သို့ နိုင်နိုင် နင်းနင်းတတ်မြောက်သူကား တစ်ထောင်မှ တစ်ပါးဆိုသလို ရှာမှရှား ဖြစ်ခဲ့ပေလိမ့်မည်၊ သို့ရာတွင် ထိုပုဂံခေတ်၌ပင် “သဒ္ဒနီတိ”စသော သဒ္ဒါကျမ်းများကို ရေးသားနိုင်ကြသဖြင့် ထိုဆရာတော်များ၏ ဉာဏ် ၀ီရိယများမှာ အားရဖွယ် ကောင်းပါပေသည်၊ ဆိုလိုရင်းမှာ ထိုပုဂံခေတ်မှ စ၍ ပိဋကတရားတော်များကို နားလည်ရေးမှာ အထူး မကြိုးစားလျှင် မဖြစ်နိုင်သောကြောင့် မြန်မာပြည်ဝယ် ပရိယတ်၌သာ ဉာဏ် ၀ီရိယ အစိုက်များ၍ ပဋိပတ်ဘက်မှာမူ ၀ိနည်းတော်အရ ကျင့်မှုမှ တိုး၍ အားကြိုးမာန်တက် ကျင့်သူကား နည်းပါးခဲ့ လိမ့်မည်ဟု ဆိုလိုပါသည်။
လူအများ၏သဒ္ဓါ
ထိုသို့ သာသနာသစ်ကို စ၍ တည်ထောင်ပြီးသောအခါ ပုဂံပြည်၌ မင်းနှင့်တကွ တိုင်းသူ ပြည်သား သာသနာ့ဝန်ထမ်း ရဟန်းတော်များ၏ အပေါ်ဝယ် လွန်စွာ သဒ္ဓါတရား တိုးပွားကြသည့်အပြင် ကိုယ့်မင်း ကိုယ့်ချင်း ဖြစ်၍ သာယာဝပြောသောကြောင့် ထိုအခါမှ စ၍ မြန်မာနိုင်ငံ၏ ဘာသာရေးဝယ် ပညာဖြင့် နှစ်နှစ်ကာကာ စဉ်းစားဆင်ခြင်မှုထက် သဒ္ဓါကို အရင်းပြုကာ သူ့ထက်ငါ သာလွန်အောင် ဒါနမှုတွေ လွှမ်းမိုးလာဟန် တူပြန်သည်၊ မှန်၏၊ “သမ္မာဒိဋ္ဌိကို (အယူမှန်-ဉာဏ်မှန်ကို) အမှီပြု၍ ဗုဒ္ဓရှင်တော်ကို ပန်း ဆီမီးဖြင့် ပူဇော်မှု, ကြီးကျယ်စွာ တရားပွဲပြုမှု, စေတီ မတည်ရသေးသော နေရာ၌ စေတီတည်မှု စသော ကောင်းမှုများကို ပြု၏””ဟု (မဟာဝဂ္ဂ, မဂ္ဂ သံယုတ်, ၀ိဟာရ၀ဂ်)၌ ဆို၏၊ သို့ပါလျက် သဒ္ဓါလွန်ကဲမှုကြောင့် စေတီတည်ပြီးသော အရပ်ဝယ် ထပ်ကာ ထပ်ကာ တည်ထားအပ်သော စေတီတော်များသည်ပုဂံပြည်၌ပင် ““လှည်းဝင်ရိုးသံ, တညံညံ, ပုဂံဘုရားပေါင်း=လေးသန်း လေးသိန်း ခြောက်သောင်း ခြောက် ထောင် ခုနစ်ရာသုံးဆယ့်သုံးဆူ””အထိ များပြားခဲ့သတတ်။
ပရိယတ်နှင့်သဒ္ဓါဒွန်တွဲလာပုံ
ပြခဲ့သောမှန်းဆချက်အရ မြန်မာနိုင်ငံသာသနာတော်သစ်ကို တည်ကြရာ၌ ရဟန်းတော်များသည် ပရိယတ်ကြိုးစားမှုကိစ္စ၀ယ် မျိုးစေ့ချခဲ့ကြလေရာ ထိုမျိုးစေ့ကိုပင် မင်းနှင့်တကွ ဒကာ ဒကာမတို့က ဒါနတည်း ဟူသော ရေစင်လောင်း၍ ကောင်းမွန်သော အပင်များ စည်ကား ကြီးမြင့်အောင် ပြုစုပျိုးထောင်ခဲ့ကြသောကြောင့် ပုဂံခေတ်မှ ဆင်းသက်၍ ယခုလက်ထက်တိုင်အောင် ပရိယတ်သာသနာတည်းဟူသော ပင်စည်ခက်မတို့ဖြင့် တက်ကြွဝေစည်နေသော သစ်ပင်ကြီးများကို တွေ့မြင်နေရပေသည်၊ ထို့ကြောင့် “ယခုအခါ သာသနာရေး ဆိုင်ရာဝယ် စာပေအလုပ်နှင့် ဒါနအလုပ်များ ကြီးကျယ်ထင်ရှား သလောက် ရဟန်းတော်များ၏နယ်မှာ ပဋိပတ်ကျင့်မှုကိစ္စနှင့် လူဝတ်ကြောင်များဘက်၌ သုစရိုက် ဆယ်ပါးလောက်မျှပင် ဖြူစင်မှု ကိစ္စတို့ မကြီးကျယ် မထင်ရှားလှ”ဟု ဆိုလိုပါသည်။
No comments:
Post a Comment