ကထိန်ခင်း
ဝါဆိုလပြည့်ကျော် (၁)ရက်နေ့၌ ၀ါကပ်၍… (၀ါ မပျက်စေဘဲ) သီတင်းကျွတ်လပြည့်နေ့၌ ပ၀ါရဏာပြုသော ရဟန်းရှိရာ ကျောင်းတိုက်၌ သင်္ကန်းတစ်ထည် ဖြစ်စေ, အများဖြစ်စေ “ဣမံ စီဝရံ သံဃဿ ဒေမိ-ဤသင်္ကန်းကို သံဃာတော်များအား လှူဒါန်းပါ၏”ဟု လျှောက်ထား၍ လှူရ၏၊ ထိုသင်္ကန်းကို သင်္ကန်းမရှိသော ရဟန်းအား ပေး၍ ထိုရဟန်းက (၀ိနည်းထုံးစံအရ) ကထိန်ခင်းရ၏၊ သံဃာအားလုံး သင်္ကန်းပြည့်စုံ ကြလျှင် အကြီးဆုံး မထေရ်အား ပေး၍ ထိုမထေရ်ကြီးက ကထိန် ခင်းရ၏၊ ထိုကထိန်ကို ၀မ်းမြောက်ကျေနပ်ပါကြောင်းပြောသော ရဟန်းများလည်း ကထိန်ခင်းသော ရဟန်းနှင့် အလားတူရသင့်သော အမျိုးများကို ရကြ၏၊ ရသင့်သော အကျိုးများကို စာလာအတိုင်း သိလိုသူတို့ စာတော်သော ဆရာသမားထံ မေးကြပါလေ။
ယခုခေတ်ကထိန်
အစပထမ၌ ““ကထိန်အလှူ”” ဟူသည် …သင်္ကန်းအလှူပင်ဖြစ်၏၊ နောက်မှ သင်္ကန်း၏ အခြံအရံအဖြစ်ဖြင့် အခြားလှူဖွယ်တွေ ပါလာ၏၊ ထိုအခြား လှူဖွယ်များတွင် ကျောင်း၌ မရှိမဖြစ်သော ပစ္စည်းမျိုးဆိုလျှင် သင့်တော်ပါသေး၏၊ ယခုသော် ပဒေသာပင် သီး၍ လှပအောင် တိုလီမိုလီကလေးတွေ များလှ၏၊ ပဒေသာတစ်ပင်လျှင် (၅၀)တန် တစ်ရာတန် စသည်ဖြင့် ဂုဏ်ယူကြ၏၊ ကျောင်းရောက်သော်ကား အသုံးမကျလှ၊ လူတွေမှာလည်း အကုန်မနည်းချေ၊ ဒီအထဲမှာ ပွဲတွေ ကိုလည်း ထည့်လိုက်ရသေး၏။
ပွဲလမ်းအတွက် ကုန်ကျစရိတ်နှင့် အသုံးမ၀င်သော တိုလီမိုလီ အတွက် ကုန်ကျငွေကို နုတ်လိုက်လျှင် ကျောင်း၌ အသုံးဝင်သော သင်္ကန်း စသည်၏ တန်ဖိုးမှာ ငါးပုံ ပုံ တစ်ပုံမျှ ပါကောင်း ပါပေ လိမ့်မည်။
ဤကထိန်ပွဲတွင် အသားတင် အကျိုးရကြသူကား… စောင်, ကော်ဇော, ဓာတ်မီး စသော နိုင်ငံခြားပစ္စည်းရောင်းသူ နိုင်ငံခြား ကုန်သည်ကြီးများပင်တည်း၊ မှန်၏၊ ကထိန်ခေတ်၌ နိုင်ငံခြားသို့ ဆက်ရသော ငွေတွေမှာ သိန်းပေါင်း အတော်များများပင် ရှိပေလိမ့်မည်၊ ရန်ကုန်မြို့၌ ကထိန်လှည့်လည်သည်ကို
ကြည့်ရှုနေသော ပေါက်ဖော်သူဌေးတစ်ယောက်က မြန်မာလူကြီးတစ်ယောက်အား “ခင်ဗျားတို့လည်း အရမ်းမဲ့အလှူတွေ မရှိလျှင်, ကျွန်တော်တို့မှာ လည်း ဘိန်းရှူသူတွေ မရှိလျှင် ကြွယ်ဝချမ်းသာသောနိုင်ငံ ဖြစ်မှာပဲ”” ဟု ပြောသတဲ့။ဉတ်မကြီး
ယခုခေတ် ကထိန်ခင်းကြရာ၌ “ညှပ်မကြီး” ဟုခေါ်သော လှူဖွယ်ပစ္စည်းများ သီးခြားပါလာ သည်ကို တွေ့ရ၏၊ ကထိန်ခင်းမည့်သင်္ကန်းကို မရှိနွမ်းပါးသော ရဟန်းအား (သို့မဟုတ်) အကြီးဆုံးမထေရ်အား ပေးသည့်အခါ “ဉတ်”ဟု ခေါ်သော ပါဠိတစ်မျိုးဖြင့် ပေးရသည်၊ ထိုသင်္ကန်းကို ”ဉတ်သင်္ကန်း”ဟု ခေါ်ကြ၏၊ ထိုဉတ်သင်္ကန်း၏ အခြံအရံဖြစ်သော လှူဖွယ်များကို “ဉတ်မကြီး”ဟု ခေါ်ကြသည်၊ ယခုအခါ ညှပ်မကြီး ဟု တချို့က ခေါ်နေကြသည်၊ ထို ဉတ်မကြီးတွင် ပါဝင်သော ပစ္စည်းများသည် အလှူ့ဒကာ များက “မည်သည့်ပစ္စည်းသည် ကျောင်းတိုက် သံဃိကပါဘုရား၊ မည်သည့်ပစ္စည်းက ဉတ်သင်္ကန်း ခံယူသော ပုဂ္ဂိုလ်အတွက်ပါ ဘုရား””ဟု ခွဲခြား၍ မလျှောက်လျှင် အားလုံးပစ္စည်းများ ဉတ်သင်္ကန်း ရသူနှင့်သာ ဆိုင်၏။
ဉတ်မကြီးရသူ
ယခုခေတ်၌ကား သင်္ကန်းရှားပါးသူတို့ မရှိသောကြောင့် အများအားဖြင့် အကြီးဆုံးသောပုဂ္ဂိုလ် အား ဉတ်သင်္ကန်း ပေးကြရ၏၊ ဉတ်မကြီးပစ္စည်းများလည်း ပုဂ္ဂိုလ် ကြီးသာ ရလေ့ရှိ၏၊ ထိုသို့ရရာ၌ အကြီးပုဂ္ဂိုလ်သည် တိုက်တာသံဃာ အားလုံးကို ကြည့်ရှုကျွေးမွေးနေသော ပုဂ္ဂိုလ်ဖြစ်လျှင် တော်ပါသေး၏၊ သူတစ်ပါးတည်း ခံစားသော ပုဂ္ဂိုလ်ဖြစ်လျှင် ထိုအလှူမျိုးသည် စနစ်မကျချေ၊ [ယခုအခါ များစွာသောကျောင်းတိုက်တို့၌ အကြီး ပုဂ္ဂိုလ်ဆိုတိုင်းလည်း သံဃာနှင့် ဝေမျှသုံးစွဲသောပုဂ္ဂိုလ် မဟုတ် တတ်ချေ။]
သံဃိကစစ်မှ ကထိန်မြောက်
“ကထိန်သင်္ကန်း”ဟူသည် ဆရာတော်တစ်ပါး ကျောင်းထိုင်ဘုန်းကြီး တစ်ပါးမျှကို ရည်စူး၍ လှူရသောသင်္ကန်းမဟုတ်၊ သံဃာတော်အားလုံးကို ရည်စူးမှ (တတ်နိုင်ပါလျှင် တစ်သာသနာလုံး ရည်စူးမှ) သံဃိက အစစ် ဖြစ်နိုင်၏၊ ယခုကာလ၌ကား မိမိကြည်ညိုသောဆရာတော် ကျောင်းထိုင်ဘုန်းကြီးကို ရည်စူး၍ ကထိန်သင်္ကန်း လှူမိတတ်၏၊ ထိုသို့ ပုဂ္ဂိုလ်တစ်ပါးကို ရည်စူးထားလျှင် သံဃိကမဟုတ်၊ သံဃိက မဟုတ်ပြန်လျှင် ကထိန်သင်္ကန်းအရာလည်း မ၀င်နိုင်၊ ဉတ်မကြီး၌ ထည့်ထားသော လှူဖွယ်များလည်း နဂိုကပင် ဆရာတော်အား ရည်စူးပြီး ဖြစ်တတ်လေ၏၊ ထိုသို့ဖြစ်လျှင် အားလုံး သံဃိကအလှူ မဟုတ်၊ ပုဂ္ဂိုလ်တစ်ပါးအတွက် ပုဂ္ဂလိကသာ ဖြစ်နေပေလိမ့်မည်။
ထို့ကြောင့် ကထိန်ခင်းရာ၌ ဆရာတော်များသည် သံဃိက စစ်စစ် ဖြစ်အောင် ဟောပြောသင့်၏၊ သင်္ကန်းများကို အခြား ကျောင်းတိုက်မှ ပင့်ထားသော သံဃာများအား ခွဲခြား၍ လှူလိုသေး လျှင် ဤကျောင်းတိုက်ရှိ သံဃာများကျေနပ်အောင် ခွင့်တောင်းပြီး မှသာ လှူရလိမ့်မည်၊ သို့မဟုတ်လျှင် ရေစက်ချစဉ်ကပင် ဤကျောင်း တိုက်အတွက် သံဃိက, ပင့်သံဃာများအတွက် ပုဂ္ဂလိကဟု ခွဲခြား လှူဒါန်းသင့်သည်။ [ ဤအကြောင်းအရာများကို လူအများ နားလည် မည် မဟုတ်သောကြောင့် ဆရာသမားတို့က နားလည်အောင် ပြောပြသင့်ကြပါသည်။]
လက်တွေ့အပြစ်
ကထိန်ခင်းခြင်း၏ စည်းကမ်းမကျမှုကြောင့် မျက်မြင် အပြစ်များ တွေ့နေရသည်မှာ သံဃာ အနည်းငယ် ရှိသော ကျောင်း၌ မဲကျသောကြောင့် တစ်ထောင်တန် ဉတ်မကြီးဖြင့် အတီးအမှုတ် ပွဲလမ်းသဘင် ကျင်းပ ၍ တပျော်တပါး သွားကြ၏၊ ကထိန်ပြီးလျှင် ထိုကျောင်း၌ ဓားပြ တိုက်သည်ဟု ကြားရတတ်၏၊ သို့မဟုတ် “ကထိန်ရသောဘုန်းကြီးသည် ထိုပစ္စည်းတွေကို ရောင်း၍ လူထွက်လေပြီ”ဟု ကြားရတတ်၏၊ သို့မဟုတ် နီးစပ်ရာ ဒကာ ဒကာမများနှင့် ဆွေမျိုးဉာတိတို့ ခွဲဝေ ယူတတ်ကြ၏၊ [ သံဃာများသော်လည်း သံဃာကို ဝေလေ့မရှိသော ပုဂ္ဂိုလ်ကြီးများ ကထိန်ရရာ၌လည်း ဤနည်းနှင်နှင်တည်း။]
ထိုချို့ယွင်းချက်များ မဖြစ်စေကာမူ ပဒေသာပင်၌ ပါလာသော စောင်, ကော်ဇော, ခြင်ထောင်, နာရီ, စားပွဲနှင့် ကုလားထိုင်စသော အလှအပ အခမ်းအနားတွေကို သိမ်းဆည်းရ နေရာချထားရသဖြင့် နဂိုက တရားနှင့် စာပေနှင့် နေသော အရှင်မြတ်တို့မှာ အနှောင့် အယှက်သဖွယ် ဖြစ်နေတော့၏၊ ထို့ပြင် ဘာသာရေးကိစ္စဆို၍ ပွဲတခြိမ့်ခြိမ့် ကျင်းပကာ အတီးအမှုတ်မြိုင်စွာနှင့် လှူဒါန်းရန် သွားကြခြင်းမှာလည်း အလွန် တိတ်ဆိတ်ခြင်းကို လိုလားတော်မူ၍ တောကျောင်းများ၌သာ မွေ့လျော်တော်မူသော ဗုဒ္ဓရှင်တော်၏ အလိုကို မဆိုထားဘိ, ယခုခေတ် သူတော် သူမြတ်တို့၏ အလိုမျှ လည်း မကျချေ။
ကထိန်ပြုပြင်ရေး
ဤပြခဲ့သော အပြစ်များကို နားလည်ကြကုန်သော ဗုဒ္ဓဥပါသကာ ဥပါသိကာမတို့သည် ဒူးနေရာဒူး, တော်နေရာတော် ဆိုသလို ဘာသာရေးကိစ္စ၌ ပွဲလမ်း သဘင် အပျော်အပါးကိုလည်း ရှောင်ရှားဖို့ရန် တောင်းပန်လို ပါသည်၊ မိမိတို့ အလှူဝတ္ထုနှင့် ကျောင်းမှာ အသုံး တည့်-မတည့်, အသုံးတည့်ပြန်လျှင် သာသနာရေးဆိုင်ရာ ပရိယတ် ပဋိပတ်ကို အားပေးရာ ရောက်-မရောက်ကိုလည်းကောင်း, အကျိုးမများလှ သော အသုံးအဆောင် ပစ္စည်းများအတွက် နိုင်ငံခြားသို့ တိုင်းပြည်မှ ငွေများ မထွက်စေဖို့ကိုလည်းကောင်း သတိပြုစေလိုသည်။
ထို့ကြောင့် ကထိန်ခေတ်ရောက်၍ လှူတော့မည်ကြံလျှင်သင်္ကန်း အလှူသည် ဗုဒ္ဓရှင်တော်၏ ပထမ ရည်ရွယ်တော်မူချက်ဖြစ် ကြောင်း သတိပြု၍ ကျောင်းတိုက်သံဃာများ သင်္ကန်းအခြေအနေကို စဉ်းစားသင့်၏၊ စဉ်းစားရုံနှင့် မပြီးနိုင်ပါလျှင် ပြည့်စုံ-မပြည့်စုံ မေးမြန်း လျှောက်ထားသင့်၏၊ ထို့နောက် တတ်နိုင်သေးလျှင်ကား ဖိနပ်အတွက် စဉ်းစားသင့်၏၊ ထိုပစ္စည်းများ ပြည့်စုံကြသည်ဟု ဆိုလျှင် ဆောင်းဝင်တော့မည် ဖြစ်၍ သံဃာတော်များအတွက် ခြုံထည် စဉ်းစားသင့်၏၊ ဖျင်ဧကသီသည် အလွန်အသုံးဝင်သော ခြုံထည် ဖြစ်နိုင်၏၊ [ ဖျင်ဧကသီ ကျကျနန ဆိုလျှင် ရုံ၍ ဖြစ်, ရန်း၍ ဖြစ်, ဆောင်းအခါတွင် ခြုံစရာလည်း ဖြစ် တစ်ချက်ခုတ် သုံးချက် ပြတ် အကျိုးရမည်။]
ထို့ထက်ပိုလျှင်လည်း ပရိယတ်ကို အားပေးရာရောက်အောင် စာအုပ် ခဲတံ မင်အိုး အစရှိသည်ကိုလည်းကောင်း, ခပ်မြန်မြန် အသုံး ၀င်မည့် ကျမ်းစာအုပ်ကိုလည်းကောင်း စဉ်းစားသင့်၏၊ ထို့ထက် ပိုပြန်လျှင်… နေ့စဉ် အသုံးဝင်နိုင်သော ပရုပ်ဆီ, လျက်ဆား, ၀မ်းနုတ်ဆေး စသော ဆေးများကိုလည်းကောင်း, သပိတ်ဆေး အ၀တ်လျှော် ရေချိုးရန် ဆပ်ပြာကိုလည်းကောင်း စဉ်းစားသင့်၏၊ ထိုမှတစ်ပါး လူအများမြင်၍ သင့်တော်သော, ကျန်းမာရေးလည်း ညီညွတ်သော အခြား အသုံးအဆောင် လိုရာကိုလည်း စဉ်းစား သင့်၏၊ [ ဆွမ်းကို မကျွေးသော်လည်း ကိစ္စမရှိ၊ စာသင်တိုက်ဖြစ်လျှင် ဆွမ်းကျွေးမည့်အစား ဆန် ဆီ စသည်က သာ၍ အသုံးဝင်၏၊] ဤသို့ စသည်ဖြင့် ကထိန်အလှူဒါနကို ကာလ ဒေသ လိုက်၍ ထိုက်သင့်သလို သာသနာအားပေးသော ကုသိုလ်ဖြစ်အောင် အနာဂတ်ကာလ၌ ကျေကျေနပ်နပ် ပြုပြင်ကြပါကုန်။
No comments:
Post a Comment