လင် မုဆိုး----- မယား သောတာပန်

သူဌေးသမီးတယောက်သည် အပျိုစင်ဘ၀ကပင် သောတာပန်တည်ခဲ့၏၊ အရွယ်ရောက်သောအခါ ကုက္ကုဋမိတ္တ မည်သော မုဆိုး၏ဇနီးဖြစ်လာပြီး နေ့စဉ် လင်မုဆိုးအတွက် လေးမြားတို့ကို ပြင်ဆင်ပေးရ၏။ ထိုမုဆိုးနှင့် သား ၇-ယောက်ရပြီး ချွေးမ ၇-ယောက်နှင့်အတူ ပျော်ရွှင်စွာနေကြ၏။

တနေ့သော် မြတ်စွာဘုရားသည် -- မုဆိုး ကျော့ကွင်းထောင်ထားသော နေရာအနီး သစ်ပင်ရိပ်တွင် ထိုင်နေတော်မူသည်။ မုဆိုးသည် တနေ့လုံး သားကောင် တကောင်မျှ မရ၍ လှည့်လည်ကြည့်ရှုရာ ဘုရားကို တွေ့မြင်သော်-ဤသူကြောင့် ငါ့ကျော့ကွင်းတွင် သားကောင်တကောင်မျှ မမိခြင်းဖြစ်သည်-ဟု တွေးမိကာ မြတ်စွာဘုရားကို မြားနှင့်ပစ်ရန် လေးကိုတင်၍ ချိန်ရွယ်လေသည်။ သို့သော် လေးကို ပစ်၍မရ၊ ပြန်ချရန် ကြိုးစား သော်လည်း မရဘဲ ဒုက္ခကြီးစွာ ခံစားနေရသည်။

ဖခင် ပြန်မလာ၍ သား ၇-ယောက် လိုက်လာရာ ဖခင်၏ဒုက္ခကို မြင်သောအခါ သူတို့လည်း ဘုရားကို မြားနှင့်ပစ်ရန် ချိန်ရွယ်ကြသည်။ သူတို့လည်း ဒုက္ခရောက်ကြပြန်သည်။

သောတာပန် မယားနှင့် ချွေးမများလည်း ရောက်လာကြပြီး ဘုရားရှင်ကိုတွေ့မြင်ရာ အားလုံးအား ရှိခိုး ကန်တော့ တောင်းပန်စေမှ လေးမြားကို ချနိုင်ကြသည်။ ထို့နောက် ဘုရားရှင်က တရားဟောတော်မူရာ အားလုံး သောတာပန် ဖြစ်သွားကြသည်။

ဤအကြောင်းကို ရဟန်းများက-သောတာပန် မယားသည် သားသတ်ရန် ကိရိယာများ ပြင်ဆင်ပေးပြီး အသက် သတ်စေပါသေးသလား-ဟု အချင်းချင်းပြောနေကြရာ ဘုရားရှင်က-ရဟန်းတို့ သောတာပန်သည် သူ့အသက်ကို မသတ်၊ လင့်အတွက် မယားဝတ္တရားနှင့်အညီ ပြင်ဆင်ပေးခြင်းသာ ဖြစ်ပြီး သေစေလိုသော စိတ်သဘောထား မပါပေ-ဟု အောက်ပါဂါထာကို ဟောတော်မူလေသည်။

( ပါဠိဂါထာ )
ပါဏိမှိ စေ ၀ဏော နာဿ ၊ ဟရေယျ ပါဏိနာ ၀ိသံ ။
နာဗ္ဗဏံ ၀ိသ မနွေတိ ၊ နတ္ထိ ပါပံ အကုဗ္ဗတော ။

( မြန်မာပြန် )
လက်၌ အနာမရှိလျှင် လက်ဖြင့် အဆိပ်ကို ကိုင်ဆောင်နိုင်၏။
အဆိပ်သည် အနာမရှိသော လက်သို့ အစဉ်မလိုက်။
စေတနာမရှိဘဲ ပြုသောသူအား မကောင်းမှုကံမည်သည် မရှိ။

( ဆောင်ပုဒ် )
လက်တွင်အနာ၊ မရှိပါက၊ ပြင်းစွာဆိပ်များ၊ ကိုင်တွယ်ငြားလည်း၊ ကိုင်ထားထိုလက်၊ ဆိပ်မတက်သို့၊
ဖျက်လိုစိတ်သာ၊ ကင်းမဲ့ပါလျှင်၊ ဘယ်မှာအပြစ်၊ ဖြစ်မည်နည်း။

( ပါပ၀ဂ်၊ ကုက္ကုဋမိတ္တနေသာဒ၀တ္ထု )