ရသေ့ကြီး ဦးခန္တီ၏ လာဘ်ရွှင် လာဘ်ပွား ဂါထာတော်

ရသေ့ကြီး ဦးခန္တီဟု ဆိုလိုက်လျှင် ဗုဒ္ဓဘာသာနွယ်ဝင် သူတော်စင်များအနေဖြင့် မြန်မာနိုင်ငံတ၀ှမ်းလုံးရှိ အနယ်နယ်အရပ်ရပ်၌ ဘုရား ပုထိုး စေတီများ တည်ခဲ့သော သာသနိက အဆောက်အအုံပေါင်းများစွာ ဆောက်လုပ်လှူဒါန်းလျက် သာသနာပြုပုဂ္ဂိုလ်မြတ်ကြီး တပါးဟူ၍ သိရှိနေကြပါသည်။ ရသေ့ကြီး ဦးခန္တီအဖို့ မည်သည့်အရပ်၊ မည်သည့်ဒေသမဆို သေဒစာရီ ကြွချီလေတိုင်း အလှူခံပုဂ္ဂိုလ်တို့ ၀င်လာမစဲ တသဲသဲ ဖြစ်နေကြပါသည်။ သည့်အတွက် လေ့လာစူးစမ်းလိုက်သောအခါ ဓနသိဒ္ဓိအရာ၌ လွန်စွာမှထက်မြက်လှသည့် ဂါထာတပုဒ်အား စွဲမြဲစွာရွတ်ဖတ် သရဇ္ဈာယ်လေ့ရှိသောကြောင့်ဟု မှတ်သားမိခဲ့ပါသည်။ အဆိုပါဂါထာကား သဗ္ဗမင်္ဂလာ ဂါထာ-သို့တည်းမဟုတ်-သဗ္ဗဇယမင်္ဂလာ ဂါထာတော် ဖြစ်ပါသည်။

သဗ္ဗမင်္ဂလာဂါထာ (၀ါ) သဗ္ဗဇယမင်္ဂလာ ဂါထာတော်သည် ကြီးမြတ်သောဘွဲ့၊ ထူးခြားသော ဂုဏ်ထူးဝိသေသတို့ လွှမ်းခြုံလျက်ရှိသော ဂါထာတော်ဖြစ်ပါသည်။ ထိုဂါထာတော်မှာ မူကွဲမရှိပါ။ တခုတည်းသာ ဖြစ်ပါသည်။

သဗ္ဗ-အလုံးစုံသော၊
ဇယ-အောင်မြင်မှု၊
မင်္ဂလာ-ကြီးပွားတိုးတက်မှု။
သို့ဖြစ်၍ သဗ္ဗဇယမင်္ဂလာ ဂါထာသည် အဘက်ဘက်မှ အောင်မြင်ကြီးပွား တိုးတက်စေသော ဂါထာတော် ဖြစ်ပါသည်။

တခါက မန်လည်ဆရာတော်ကြီးက အမေးရှိခဲ့သည်။
နိကာယ် ငါးရပ်ထဲမှာ ပါဝင်သော သတင်းမွှေးကြိုင်သည့် သဗ္ဗမင်္ဂလာမှာ မည်သည့်မင်္ဂလာ ဖြစ်ပါသနည်း။
ထိုအမေးနှင့် စပ်လျဉ်း၍ မင်းကွန်းဆရာတော်က အောက်ပါအတိုင်း အဖြေရှိခဲ့ပါသည်။
နာမည်ကြီးသော သဗ္ဗမင်္ဂလာ ဂါထာဆိုသည်မှာ နိဒါနသံယုတ် ပါဠိတော်၌ ပါရှိသည့် ဒိဝါ တပတိ အာဒိစ္စော-အစချီသော ဂါထာတော် ဖြစ်ပါသည်။

ဗုဒ္ဓ၏ပိဋကတ်တော်၌ ပါဠိဂါထာတော်ပေါင်း ထောင်ချီ၍ ရှိပါသည်။ ထိုမျှများပြားလှစွာသော ဂါထာတော်များအနက် တဂါထာတည်းသာ ရှားရှားပါးပါးရှိသည့် ဂါထာတော်မှာ သဗ္ဗမင်္ဂလာ ဂါထာတော်ပင် ဖြစ်ပါသည်။ ထိုဂါထာတော်သည် ရသေ့ကြီး ဦးခန္တီ၏ လက်စွဲဂါထာတော် ဖြစ်ကြောင်းလည်း သိရှိရပါသည်။ အဆိုပါဂါထာတော်နှင့် စပ်လျဉ်း၍ သမိုင်းကြောင်း ရှိပါသည်။

သီဟိုဠ်ပြည့်ရှင်  (ယခု သီရိလင်္ကာ) ဘာတိကမင်းကြီးသည် တနေ့သ၌ ပညာရှိတဦးအား နန်းတော်သို့ ပင့်ဖိတ်ခဲ့၏။ ထို့နောက် ပညာရှိအား ရတနာသုံးပါးနဲ့ အကျုံးဝင် ဆက်စပ်သော အောင်ခြင်းမင်္ဂလာ ဂါထာတော်တပုဒ်အား ရွတ်ဆိုချီးမြှင့်ပါရန် တောင်းပန်ခဲ့သည်။ ဤတွင် ပညရှိကြီးက " ဒိဝါ တပတိ အာဒိစ္စော-...အစချီ သဗ္ဗမင်္ဂလာဂါထာတော်ကို ချီးမြှင့်ခဲ့၏။ မင်းကြီးလည်း ပိဋကတ်သုံးပုံ နှံ့စပ်သော ပညာရှိကြီးအား ဆုတော်ငွေများစွာ ချီးမြှင့်ခဲ့လေသည်။ သည့်အတွက် အဆိုပါ ဂါထာတော်နှင့်စပ်လျဉ်း၍ နှောင်းလူတို့က လာဘ်ရွှင်ငွေဝင် ဂါထာတော်၊ ရွှေလာငွေလာ ဂါထာတော်-ဟု သတ်မှတ်ယူဆခဲ့ပြီး ယုံကြည်စွာ ရွတ်ဖတ်သရဇ္ဈာယ်ခဲ့ကြသည်။ ထိုသို့ ယုံကြည်စွာ ရွတ်ဖတ်သရဇ္ဈာယ်ကြသူတိုင်း ထူးကဲသော အကျိုးအာနိသင်ကို ရရှိခံစားခဲ့ကြရလေသည်။ အဆိုပါ ဂါထာတော်မှာ---

ဒိဝါ တပတိ အာဒိစ္စော၊
ရတ္တိမာ ဘာတိ စန္ဒိမာ။
သန္နဒ္ဓေါ ခတ္တိယော တပတိ၊
ဈာယီ တပတိ ဗြဟ္မဏော။
အထ သဗ္ဗ မဟောရတ္တိံ၊
ဗုဒ္ဓေါ တပတိ တေဇသာ။ ဟူ၍ ဖြစ်ပါသည်။

အနက်အဓိပ္ပါယ်မှာ---
နေမင်းကြီးသည် နေ့အခါ၌သာ ထွန်းလင်းနိုင်၏။
လမင်းကြီးသည် ညအခါ၌သာ ထွန်းလင်းနိုင်၏။
ပြည်ရှင်မင်းတို့သည် မင်းမြောက်တန်ဆာများ ဆင်ယင်မှသာ ဘုန်းအရှိန်အ၀ါ ထွန်းလင်းနိုင်၏။
ရဟန္တာအရှင်မြတ်တို့သည် ဈာန်သမာပတ် ၀င်စားနေသည့်အခါမှသာ သပ္ပါယ်တော်မူနိုင်၏။
ဗုဒ္ဓမြတ်စွာဘုရားရှင်ကမူ နေရာတိုင်း အခါတိုင်း အချိန်တိုင်း၌ ထာဝစဉ် သပ္ပါယ်စွာ ထွန်းလင်းတော် မူပါပေသတည်း။

အကြည်တော်မင်း ဦးသံမှိုက အဆိုပါဂါထာတော်၏ အဆုံး၌
တာဒိသံ တေဇ သမ္ပန္နံ၊
ဗုဒ္ဓံ ၀န္ဒာမိ အာဒရံ။ ----- ဟူ၍ နှစ်ပါဒ ဖြည့်စွက်ခဲ့၏။

မြန်မာနိုင်ငံ၏ ဗုဒ္ဓဘာသာ သာသနာသမိုင်းဝင် သာသနာပြု ပုဂ္ဂိုလ်ကြီးတပါးဖြစ်သော ရသေ့ကြီး ဦ;ခန္တီကလည်း   ဒိဝါ တပတိ ...အစချီသော ဂါထာတော်၏ အဆုံး၌---
နမက္ကာရာ နုဘာဝေန၊
သဗ္ဗေ ပူရေန္တု သင်္ကပ္ပါ။ ----- ဟူ၍ နောက်ထပ်နှစ်ပါဒ ဖြည့်စွက် ရွတ်ဆိုခဲ့သည်။

အဆိုပါ ရသေ့ကြီး ဦးခန္တီ၏ လက်စွဲဂါထာတော်အား"လိုတရ ဂါထာ? စီးပွားလာဘ်လာဘ ရွှင်လန်းစေသော ဂါထာတော်" အဖြစ် သတ်မှတ်ကာ ယုံကြည်သဒ္ဓါစိတ်ဖြင့် ရွတ်ဖတ်သရဇ္ဈာယ်ကြကုန်၏။

ထိုသို့ သာသနိက အဆောက်အအုံများ၊ ဘုရားကျောင်းကန် စေတီပုထိုးများစွာ၊ ငွေကြေးမြောက်မြားစွာ လှူဒါန်းနိုင်ခဲ့သည့် ရသေ့ကြီး ဦးခန္တီ၏ ဂါထာတော် (၀ါ) ၄င်း စွဲမြဲစွာ ရွတ်ဖတ်သရဇ္ဈာယ်ခဲ့သော ဂါထာတော်အား ရွတ်ဖတ်သရဇ္ဈာယ်ခြင်းဖြင့် ကြီးပွားချမ်းသာနိုင်စေကြောင်း တင်ပြရေးသား လိုက်ရပါသည်။

ဓနုဖြူ ဆရာတော်
(ရောင်ပြန် မဂ္ဂဇင်း ၂၀၁၀-နိုဝင်ဘာလ)